香港之神

 

Tam Kung Temple Shaukeiwan.jpg
由Cara Chow (Charlotte1125) – 自己的作品CC BY-SA 2.5-2.0-1.0
https://commons.wikimedia.org/w/index.php?curid=1466982

 

代表香港嘅神係邊位?陳雲通常講皇天上帝同大鵬金翅鳥。前者不為堯存不為桀亡,後者根本就係印度嚟嘅來佬嘢嚟(都代表到嚟咗香港嘅印度人嘅)。

計我話,守護香港嘅神明,係呢三位,亦代表香港人三大民系:洪聖、譚公、天后娘。

 

大聖爺就聽得多,洪聖爺係邊位呢?洪聖爺尊號「南海廣利洪聖大王」,乃係「南海之神」,司掌南方海洋,總廟喺廣州黃埔,廟名「南海神廟」。本無名號,隋唐時以南海通商路,封南海之神為「廣利王」,搵錢是也。其後宋代再加封「洪聖」,至明嘉慶時得今日常用之「南海廣利洪聖大王」號,後來清代加封往往不提。舉凡海事、商事、生養、考試皆應。既然總部喺廣州,當然係代表「本地人」(早期港府紀錄如是稱粵人)。南丫島有洪聖爺灣,充份顯示南丫島住嘅係咩人啦。

 

譚公淵源於惠州一帶,咸豐年間方得朝廷冊封。相傳為惠州一道人,居惠州府東九龍山中修行,能驅蛇虎,童顏不老。傳說曾應官員入惠州府城招待,忽然舉壺對空斟茶,官員問其故,答曰「救火」,其後果然回報斟茶方向之博羅縣失火,忽然降水滅火。譚公可以代表香港嘅客家人,因為譚公信仰,正是由來港尋石嘅客家石匠帶嚟嘅。現時香港最大譚公廟喺筲箕灣,原為亞公岩之譚公廟。亞公岩呢個地方產石材,喺開埠之前就係客家石匠開石之地,亞公岩村本身亦係由佢哋嘅臨時住處發展而成。另外土瓜灣一帶本身亦有譚公廟,二戰時毀,只餘譚公道一條尚在。

另外,因為譚公善救火,所以都係守護粵劇嘅仙靈嚟哦~不過上年筲箕灣譚公廟竟然失火……

 

最後天后娘娘就唔講咁多啦,嚟自福建嘅魔法少女林默娘吖嘛~(福建佬潮州幫專事賣港仆街死啦屌)地鐵站天后嚟自銅鑼灣天后廟同天后廟道,唔使講啦~

 

香港嘅神明,其實都係地產霸權嘅受害者嚟。事緣二十年代,由於發生多宗「樓上廟」騙財案件,香港政府決定立《華人廟宇管理條例》,規定廟宇必須建於獨立無其他用途嘅建築物內。試問今時今日,香港地仲有咩地方可以畀你起到一座廟呢?地產霸權,真係禍及三界呀……

 

 

作者:薰華

薰華
塵世中一件無名廢青,除咗偏見同口水就冇嘢多。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 132389
Date: 2016-04-29 17:00:57
Generated at: 2022-08-17 19:11:59
Permalink: https://www.vjmedia.com.hk/articles/2016/04/29/132389/香港之神