阻人返工猶如殺人父母

 

金鐘 地鐵 ROCKYYUNG 攝

 

有時香港人恥笑強國人無公德心,唔識規矩,我自己聽到都會有少少窒左一窒,然後個心有少少離一離。就算真係忍唔住,要加把口屌佢地果陣,有時都有少少心虛,唔敢太大聲。因為,平時行街,食飯,搭車,咪一樣大把有香港人唔守規矩,毫無公德心,丟大家既架?

最簡單舉例:依家守時,已經變成一個要放係博物館同老人院既物陳列品。大家都當晒遲到係家常便飯。你早到,甚至會俾人恥笑。平時無咩特別野,遲到都無所謂既(認衰:我自己都會)。但當去到緊急關頭,你自己真係趕緊時間果陣,你又會想成個世界都圍住你轉,成件事係咪好諷刺?多一秒少一秒,就足以影響一個人,甚至好多人既人生。遲左一分鐘,可能就挽回唔到一段即將逝去既愛情;遲左一分鐘,可能你個考試就會因此取消資格;遲左一分鐘,可能趕唔到去醫院,睇親愛既人最後一面……

係呢個時候,你就會發現,原來阻住係架巴士地鐵門口到,唔俾你上車,但其實後面仲有大把位既人,全部都係仆街。之但係,佢當然唔會有同你諗過,有人等住呢一班車去救命啦。同樣道理,你去搭Lift,度門開左之後有人走入黎,順手按關門鈕實在係基本常識。但點解往往都會有一堆人隻手好殘廢咁,剩係識得企係度篤電話?我甚至聽過有人講:「千祈唔好掂呀,有人會禁掣架啦。果塊膠片好污糟架,一陣搞病自己盞慘啦。」真係想問佢,係咪日日去完廁所都有幫自己抿屎的。個出口果度夠多沙門氏菌啦。臭你又抿?

係,的而且確,人地問我係咩人,中國人定香港人,我一定會九秒九認自己係香港人。之但係你再問我,身為香港人,有呢個身份,係咪好很自豪的時候,Sorry,我暫時都未敢咁答囉。你咪真係當正自己識講Arigatou加少少熱菇,就當正自己係日本人咁,連貼貼紙都可以跟住Pattern貼,成班人貼出一個方陣先得架。拍馬都未追得上~~

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 133018
Date: 2016-05-08 18:38:22
Generated at: 2021-11-27 17:18:51
Permalink: https://www.vjmedia.com.hk/articles/2016/05/08/133018/阻人返工猶如殺人父母