【又係香港OI】炒作富豪身家,操作明年特首選舉?

 

螢幕快照 2016-05-26 下午2.03.31

 

尋日講完工時(Working hours),今日又見到有篇講收入差距(Income inequality),一睇,又係香港OI。咁首先我係唔會些牙啦,大家想睇自己搵啦。第二,原來今次人地都好穩陣,引述既係彭博Bloomberg呀,咁今次仲唔無死?

但得罪講句,其實係呢行食開飯既都知,彭博都成日錯野,放流料,而且一樣會將財經當花邊新聞咁報架!今次講將富豪既金額除果處地方既GDP,得出既結果係,最高係香港,話咩幾位富豪已經佔香港GDP既百分之三十五,咁驚人,仲唔係大新聞?

但唔熟經濟如我,都想問聲,計呢個Ratio,然後拎黎比較,其實究竟有無意義?資產係Asset既概念,係儲番黎架嘛?而GDP係咩呀,係一段時期既所有市民既Income收入黎架嘛?咁樣兩個都唔啦更,唔同時間空間既野,除黎把托咩?仲有,有無諗過經濟體本身既大小,即係人口既大小,有可能嚴重影響GDP個分母?美國中國,係一個國家;香港係一個城市渣喎?有無諗過,美國既GDP如果唔係斷人頭計,會係香港既幾多倍?所以就算美國勁多超級富豪,點解同中國係呢個排行榜度,係完全墮後左係後面?會唔會其實無做Adjustment?有無人去探究過?(利申:我未睇LOL~)

 

 

我覺得,Bloomberg Inc. 唔係唔識野,而係美國佬玩數,背後有目的。諗清楚,就會發現隨時事有景轟。美國今年總統大選,其中Income inequality 就係大議題,而依家Sanders點解可以係Hillary 身上搶到分,就係佢攻擊華爾街夠入肉。有人覺得Hillary就係象徵紐約既金融鐵板利益。而Bloomberg間公司係呢度後面,有無計算?但係最近先有新聞話彭博呢條變色龍,自己亦曾想選總統,只不過話驚最後反而會搞到Trump贏,所以決定唔選。

咁佢既取態,係咪即係即係暗地裡唔想Trump贏,變相想捧Hillary呢?咁會唔會影響到Bloomberg Inc. 既報導既取材呢?有無可能想幫美國既貧富懸殊情況降溫,轉移視線去香港呢?我只能夠講,美國佬我睇咁耐,行事係好高,就算Misleading,背後一樣好多計算囉!

睇番香港,特首戰一樣如箭在弦。貧窮問題講左好耐,會唔會又一次成為各潛在候選人既籌碼,甚至係攻擊對象?留意,六八九就係打草根概念起家,亦都成日對香港財金政策,蠢蠢欲動。香港OI亦一向同佢有千絲萬縷既關係,呢個時候,真係好敏感。你可以話我陰謀論,但睇一單新聞,真係唔係睇完,嘩係喎,Like 然後轉載,咁簡單。

 

螢幕快照 2016-05-26 下午2.04.03

 

(最近寫既野,可能真係會得罪唔少傳媒界既朋友。畢竟「搵食唶,犯法呀」。但放心啦,反正小弟係呢度將幾句軍,都唔會影響到任何人既飯碗,亦改變唔到任何香港人飯來將口既做法,咁你咪又有得我當吹幾句廢水又算囉。)

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 〈月球上的人〉:地球上最渺小的,愛情 by 銘輝
    林若寧的作品,有時會給我堆砌的感覺,但這首作品,每句歌詞卻是雕刻得如此華美,深深植根在我心裡。過去的你,在今天已經了無生機,成了枯枝。現實中的你是否仍然存活並非重點,因為你的位置和情感已變了樣,再沒有以往的生命力。所以,為這種無可挽救的局面…
歡迎讚好我們的facebook page,免費資訊源源送上。

文章資訊

ID: 134468
Date: 2016-05-26 14:07:33
Generated at: 2022-11-30 16:09:06
Permalink: https://www.vjmedia.com.hk/articles/2016/05/26/134468/【又係香港oi】炒作富豪身家,操作明年特首選