【又係廢青】搭巴士霸關愛座打TsumTsum,究竟係乜心態?

容樂其 廢青邊度青 關愛座 巴士

(編按:廢青?邊度青呀?睇過~~?)




其實呢單野應該已經好多人講過,但無野格,從經濟學101角度,又可以新角度分析多次。第一,乘客根本就無人知邊個先最需要個位。正所謂無人係全知架嘛?即係Information Asymmetry 啦?就算渣住拐杖,都唔一定想坐,因為可能佢下一個站就落車,而且佢好近門口唔想郁,你夾硬要佢坐,即係佢呢個旅程以外另外疊加成本,對佢黎講,係無Utility Gain,即係佢唔會開心。

第二,讓座果條友,本身坐低,你就唔知佢係咪只係見吉位就坐,定係真係好有需要而坐。如果好似上述所講,雖然佢唔係大肚,唔係傷殘,唔係老人,但係其實成個車廂無人比佢更加需要呢個位,但結果就係因為佢表面同正常人一樣,而要讓位俾一個其實亦都唔需要坐既人,結果,就係雙輸。咁樣點會係Economically efficient?

留意仲有 Spill over effect。因為依家個問題係,好多膠人鍾意做網路判官,你坐左個位,隨時就出Post寫衰你,當中牽涉到你個社會成本可能大到痴線。你隨時因為咁俾你潛在僱主覺得你無愛心,你因為咁無左份好工,你成條Lifetime consumption path都會受影響。正因為咁,所以關愛座位到最後既Equilibrium 就會係,無人敢坐。

結果就會衍生一個情況就係,假設坐係一定會好過企,所有人見到一個關愛座空左出黎,都無人坐。只要有一個人坐,都係有一個人叫好左(better off)而其他人無覺得感覺差左(worse off),係福利經濟學,呢個係一個Pareto Optimum(好似係)。但依家就因為潛在既代價太大,大家寧願繼續企。坐已經唔再係Pareto efficient。

千祈唔好睇少空出黎既位。有位唔坐,就係徙;徙,即係變相更多人企;更多人企,就係迫;迫,就更多人上唔到車。呢個會直接影響港鐵既營運(雖然無人Care),同埋各種交通工具之間既Trade-off。Anyway,我都唔明,其實只要平時當果個係普通位,但如果你有需要,出一句聲,讓座,然後其他人唔好懶醒,做判官,咪已經天下太平囉。

但Sorry,人類世界太複雜喇。都係一齊落地獄罷啦!

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 134949
Date: 2016-05-31 20:38:29
Generated at: 2021-11-27 15:54:38
Permalink: https://www.vjmedia.com.hk/articles/2016/05/31/134949/【又係廢青】搭巴士霸關愛座打tsumtsum,究竟係乜心態