「香港人全球智商第一,但係唔識排隊!」

 

有人話:「香港人全球智商第一,但係唔識排隊!」

咁講既人,其實佢有少少野搞錯:香港人就係太聰明,太識排隊,將高智商,運用係D小聰明果度。有一堆人排隊,根本由頭到尾,都無尊重過排隊既精神:係為左守秩序,或者係為左遵守First come first serve 既不明文規定。

相反,佢地只係想搞散個隊型,趁機配以一個無辜既表情,配合一個控制唔到雙腿既做法,插左隊,然後得手後,逃之夭夭。

正常情況,如果俾人睇穿一個人係有心插隊,多數就會立即俾後面一大堆人圍屌,所以直接去插隊打尖,係愚蠢既做法。有心搞亂檔既職業打尖高手,就斷然唔會咁做,佢地必然會係排隊同唔排隊中間果段灰色地帶,即係條直線以外果兩三個身位,行黎行去,望黎望去,似係湊熱鬧,又似係聚眾討論,一時大笑,一時喧嘩。咁樣做,就會吸引佢既同黨:都係想趁亂打尖既人,一齊開始有默契地,係個隊頭到圍爐,於是條直線,開始唔再係一條直線,而係變成一個淋巴結,甚至成為一個扇形(如圖)。

 

 

當成功製造左呢個情況,好事之徒就可以開始胡亂搶位,如果勢孤力弱,就會話哎呀唔好意思,我都唔知呢度原來唔係隊黎,然後就去番後面,果堆人行為動作自然,一如奧斯卡最佳男女主角,即使今次無法得手,仍然不動聲色;但如果佢地人強馬壯,佢地就重新自己定義,話自己果條先係隊,你原本遵守秩序排緊果條,其實唔係隊黎。

呢招真係勁到無人有,等同古時既謀朝篡位。好多時候到你如夢初醒果陣,已經太遲,因為一班亂黨已經俾你快人一步上左車/買左飛。然之後如果你想出聲,佢地仲會調番轉頭,大大聲屌,話插隊既,其實係你。

老老實實,唔單止排隊,係好多其他方面,都好多呢種咁既人,你話係咪呢。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 〈月球上的人〉:地球上最渺小的,愛情 by 銘輝
    林若寧的作品,有時會給我堆砌的感覺,但這首作品,每句歌詞卻是雕刻得如此華美,深深植根在我心裡。過去的你,在今天已經了無生機,成了枯枝。現實中的你是否仍然存活並非重點,因為你的位置和情感已變了樣,再沒有以往的生命力。所以,為這種無可挽救的局面…
歡迎讚好我們的facebook page,免費資訊源源送上。

文章資訊

ID: 136018
Date: 2016-06-13 18:41:05
Generated at: 2022-11-30 16:24:36
Permalink: https://www.vjmedia.com.hk/articles/2016/06/13/136018/「香港人全球智商第一,但係唔識排隊!」