做老母做到要擇日被中出

 

螢幕快照 2016-06-21 下午5.49.51

 

我敢斷言,香港時下年青人既怨氣,只會愈黎愈大。

大家可以睇到,社會既不公,呢幾年不斷升級,而且係不知不覺間,蔓延到教育程度既不公。而教育制度既不公,亦由高等教育,一直延燒到去學前教育,甚至依家前衛到,係孩子出世前,都要贏在高潮的一剎那,咁都講得出。

在下愚見認為,呢種講法,無疑地赤條條地反映左人類既根本醜惡:當孩子未來既成功指標,單純以分配社會資源既權力高低黎判定既時候,湊仔教女,必然淪為成為一盤弱肉強食既生意,而所謂既起跑線,久而久之,係一定會變成一個互相爭奪既名利場。邊個依家有足夠既金錢同權力,就可以將呢條線當龍門咁樣向前搬,增加自己個仔日後所謂出人頭地既機會。

呢個揭穿左係一個咩做法?一字咁淺,就係偷步!咩叫做「贏在XX線」,根本就係赤裸裸既偷步。就係趁其他人無能力、無時間作出行動既時候,我已經快人一步內呀!但係呢種佈署,不是所有人都可以做到的。你只要唔係咩中上流人士,有一定資源,借問聲你可以做D咩?無。完全無。你個仔女,已經係社會準則所定義為輸。無人阻止呢種變相違規,甚至係,變本加厲,推陳出新,心安理得。

只要我有最多既錢,我就可以搵最好既教育,叫我個仔女學最好既野,如果都未夠,就要搞到個仔出世之前,都已經要所有野都安排周詳,盡量將條路鋪到有咁平坦,得咁平坦。父母既諗法好簡單,其他仔女得唔得 is not my fucking business,社會既遊戲規則扭曲到不似人形 is also not my fucking business,怨言呀當然會有啦,但係只要我能力範圍內,到時我都一樣wfc,依足遊戲規則去做。只要到時仔女得派甚麼名校,我都會係鏡頭面前喜極而泣。你個仔唔得呀,Sorry what a pity…然後拎轉面暗笑。

呢種變相既極端天才培養法,係幾令我諗起納粹時期既優生學,我是好不寒而憟的。正所謂:扑野埋牙要擇日,投胎都切記唔好投錯隔離。呢種不公繼續落去,會加速貧富懸殊惡性循環,最終令整套社會制度會崩壞,信我。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 136584
Date: 2016-06-21 17:52:02
Generated at: 2021-11-27 16:06:22
Permalink: https://www.vjmedia.com.hk/articles/2016/06/21/136584/做老母做到要擇日被中出