花生台對傘兵學生極盡抹黑之能事,咪又係為左選立法會~

 

所以話呢,做人冇公關,就自然死得人多。點解呢?好似隨緣咁,都會叫D同事,如果你填職歷就小心D。唔係話咩,只不過學墳總同健吾話齋,係香港人真係好賤格,睇你職歷就覺得你一日二十四小時一星期七日都係代表住你公司發言。有咩講得唔夠得體唔好叻唔夠好聽,都入晒你公司數,到時三天兩夜搞埋D關公,就無謂啦。

香港人最在乎既,就梗係言論自由啦(好似係)。

之但係,如果你填得職歷,而香港人又屈鳩你係代表公司發言,你可以點呢?冇計架啦,鬼叫而家香港最中意就係睇身份做人咩。做人,如果你係大律師,又或者係學者,D傳媒就會搵你做訪問,當你專家意見。而隨緣細個果陣,都睇好多《明報》搵埋D空姐呀、醫生呀寫專欄。作家呢個職業,慢慢畀呢D類專業人士取代。之後再加上有D有種人,支持D冇稿費既網媒,咪搞到而家香港冇左一代作家囉。冇野既……都冇人在乎書同作家啦,係咪?

 

講左咁耐,想講咩呢?

 

今日網上有個圖,話東九龍社區關注組,佢本來呢,就打晒畀泛民議員,叫佢地係東九龍果個音樂噴泉項目投票係工務小組投票果陣,就投反對票。點知,所有泛民議員都話會幫手投票架。本來呢件係好事,雨傘運動之後,泛民話係議會搞不合作運動。點知林鄭一句「先易後難」,中央吹下暖風,泛民個不合作運動又唔見左啦。今次,以為睇到泛民合作啦?點知,原來十一個泛民議員唔見左,搞到呢單野係工務小組過左。

咁的確,如果你熟D議會既話,就算工務反對,財委都可以照上既。所以,有泛民議員都可以兜,話「上財委先見真章」乜乜乜。

但係,你應承左社區組織,冇做到,人地做個圖發下爛渣,都好合理丫?點知呢,就出現有D自稱係「香港花生台」做野既人,就話人地係因為要選立會,所以先搞呢張圖。

 

想問 東九龍社區關注組 整呢幅圖,有咩問題?
呢幅圖同想選立法會,有咩關係?失信就係失信架啦,唔通 東九龍社區關注組 唔去選立會,果批泛民就唔係失信?
************
Roger Lee 呢條柒頭叫李豐年,click 入profile,已經寫明係on99 香港花生 hkpeanut.com 嘅撚樣。
今次真係「完」啦。

Posted by Haste Lam on Tuesday, June 21, 2016

 

呢點,就好唔明啦。得罪講句,香港而家有被選舉權,只要有人提名,理論上,夠錢既話,係人都可以選立會。同社民連關係咁好既香港花生,而家出盡全力抹黑大學生、傘兵,仲有所有試過畀批評同諫言泛民既所有外圍組織,唔通唔係為左選,而係為左過癮?

東九龍社區關注組就係區選之前,都真係好關心呢五千萬點使。睇返泛民友好蘋果日報點講?

選之前,蘋果日報的報道指:

觀塘區35名直選議員,有2名是民主黨,13名是建制派,還有20名自稱獨立人士,不過有些明顯屬於建制派,例如曾說過大學生申請公屋,即是放棄自己的陳振彬,做過青年事務委員會主席,上屆選舉又有建制組織九龍社團聯會支持。

傘下組織東九龍社區關注組的成員,早前就5000萬音樂噴泉,向每位區議員致電查詢他們的看法,竟然有議員回應看完會議紀錄才答覆、有議員就說自己政治冷感,而提出興建這個噴泉的民建聯潘進源更指有九成市民支持,但這個關注組做的民調卻有9成居民反對,他們其後也收集了9000個市民簽名,這五千多萬是否用得太兒戲呢?

而睇返今次唔見左人,冇投票既呢?十一個之中,大多數都係有兩屆經驗以上既議員,十一個有五個會角逐連任,咁唔想再撈既,放慢手腳,或者搞壇屎出黎畀下手執,都唔出奇丫?你睇民主黨許智峰出花紅畀助手果單野?好多人都話,擺明係港島區選四屆都選唔到既莊榮輝想搞死許智峰去選立會啦。泛民內鬥,要幾賤有幾賤,都唔係咩新鮮事。仲有啵,早排呢,東九龍咪有公共屋村停電幾日既?東九龍社會關注組就好快手咁搞左一單野,去幫居民叉電話同畀免費Wifi大家。呢條橋,真係好創新。你諗下,邊個區議員會諗到呢招?點知,一個屈尾十,公民黨又抄左佢地條橋,一齊擺叉電站啦。今次投票失蹤既,有三個係公民黨議員啵,呢次又使唔使解釋下,係咪報復政敵,等佢地「做唔到野」,從而又含X投票投返畀佢地?

 

戴返頭盔先,隨緣就唔係泛民友好,我都訓過好多日金鐘,都曾經相信何韻詩黃耀明泛民雙學係為香港好既。不過一次又一次既失望,都令你睇化左囉。講到底,呢個世界,係冇好人既。但做好少少關公,唔好等我地小市民睇到D議員仆街既時候又真係咁仆街,真係做樣乙水下我地都好丫?點撚知,呢班撚樣真係樣都唔撚做。Sorry, 我好撚elegant既,得閒我就係中環食high tea、周末去日本濕平同用Hermes 既,我唔應該咁撚嬲,對呢班撚樣講粗口。

 

作者:隨緣

八十後公關公司小卒一名,渴望有一天,只是有人按讚,我就會飽。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 136662
Date: 2016-06-22 12:32:25
Generated at: 2021-06-23 23:19:08
Permalink: https://www.vjmedia.com.hk/articles/2016/06/22/136662/花生台對傘兵學生極盡抹黑之能事,咪又係為左選