李嘉誠提議加稅濟貧,反映佢係極為精明既生意佬

 

螢幕快照 2016-06-22 下午1.02.02

 

李嘉誠係呢個關節眼時候同外國傳媒Bloomberg講加利得稅去資助窮人,我第一印象係,佢真係不愧為極為精明既生意佬。

我只能夠好粗略咁諗,殖民地時代其中一個主要既權術,我相信就係將土地變成寶貴既資源,然後又有英資控制去發展,隨住社會發展,地價急升,就可以建立出一個強大而穩定既政治系統。但係隨住中英談判開始,英國開始睇得出中國收回香港既態度愈趨強硬,英治既力量開始撤出,華人既地產商得以冒起,而李嘉誠就係憑住果陣既時勢做英雄,建立出佢地跨版塊企業王國,成為巨富。

回歸之後,地產商依然係社會上有著舉足輕重既地位,依家樓既問題係社會一大問題,就係某程度反映出地產商同政府已經不再係舊日有共同利益。又或者咁講,假設強國一樣以一個依樣畫葫蘆既方式但係粗製濫造地複製英國既殖民政策,係五十年不變失效之前,地仍然一樣係咁值錢,裡面仍然有極龐大既利益,強國都一樣會益左自己友,即係紅色資本地產商先。

我相信正正就係因為自從六八九上場之後,佢已經感覺到唔妥,風向唔單止轉左,甚至係轉得更快。遊戲規則將會改變,而佢斷不會係第一受益人,睇歷史亦能夠一清二楚。所以佢雖然口口聲聲話仍然唔會撤資香港,但佢幾年黎既幾番大動作,卻係路人皆知。坦白講,我真係無仔細去睇清楚長和條數,究竟一年會交幾多錢俾香港政府(呢條數甚至可能Annual 根本無!),但一定係天文數字。

佢係世界好大影響力,講一句野,總會有人要即刻係背後做野。一直都話支持低稅率同簡單稅制,係香港自由資本主義社會維持競爭力既強大後盾。依家佢揀呢個時間咁講,真蠱惑!係咪已經安排好晒Exit Strategy,諗定到時十年八載後香港加稅,都已經對佢影響愈黎愈小呢呵?如果係咁,真係算死草算到盡!

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 136668
Date: 2016-06-22 13:04:05
Generated at: 2021-11-27 16:29:00
Permalink: https://www.vjmedia.com.hk/articles/2016/06/22/136668/李嘉誠提議加稅濟貧,反映佢係極為精明既生意佬