睇番天津大爆炸,都知道唔洗你中國幫香港救火啦

政治 / 最新文章綜覽

張曉明

 

記唔記得天津大爆炸?

當時,大陸流傳情況係,天津消防只係接到「倉庫著火」呢個消息,冇人同佢哋講入面有咩,消防員就當普通火災去處理,結果因為用錯救火方法,令情況急劇惡化,引發倉內化學品發生大爆炸,現場消防員當場被炸死,爆炸產生嘅震盪,連170幾公里以外嘅河間都感受到。

呢度有兩個問題:

其一:火場資料不盡不實,根本要正確救火只能靠運,最好次次都係點著木頭;

其二;睇後嚟嘅死者名單,死者165人,其中消防員99人,天津公安屬下消防員24人,天津港消防員75人;此外另有5位天津港消防員失蹤。

天津公安屬下消防唔使講,即係點啲警察去做消防;「天津港消防員」又係咩嚟?就係「天津港」呢間公司請嘅消防,根本就連公務員都唔係,只係公司僱員。

唔係話責難呢啲消防員,佢哋都係為場火去搏命,但係佢哋有冇受正式嘅消防訓練?有冇良好嘅後勤支援?有冇足夠嘅火場分析?有冇合理嘅指揮調度?一個字:冇,有都係好有限。

天津已經係中國嘅先進城市,天津消防都係咁款,北京憑咩幫香港?

又講返第一點:事實上情況就同依家好似:冇資料、唔知火場有咩、只係知火場冇人,有都死晒。試問呢個情況,冇專業火場分析嘅中國就話推啲消防員入去死啫,點解香港都要送消防員去死?

我仲記得嗰幾晚,大陸時不時就有啲煽情嘅「男兒悲壯」消防故事流傳,一時又話「佢知佢一定返唔到嚟,只可以同老婆吻別」、「兄弟手足冇咗,咁就冇咗」、「向英勇消防員致敬」乜乜柒柒。

面對一場大火,我哋係要好悲壯咁死人,定係好縮骨咁救人,我諗香港人嘅答案好清楚。

唔好唔記得,天津大爆炸周圍同樣有大量民居,亦有唔少市民被禍。天津大爆炸係突然發生(起火後43分鐘),周圍人走唔切。但時昌大火(禍起時昌,當如此命名)我哋係有足夠時間去疏散。點解唔做?

唔通有人以為,到死得人多,好似「天津加油」咁,係咁叫「牛頭角加油」、「牛池灣加油」、「觀塘加油」就係可以「團給香港」咩?咪玩啦大陸佬!

 

作者:薰華

薰華
塵世中一件無名廢青,除咗偏見同口水就冇嘢多。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 136851
Date: 2016-06-25 01:08:13
Generated at: 2022-07-07 04:10:01
Permalink: https://www.vjmedia.com.hk/articles/2016/06/25/136851/睇番天津大爆炸,都知道唔洗你中國幫香港救火啦