做保險即係自願做支KY

做保險即係自願做支KY-01

 

唔知KY係咩嘅可以問下健吾,或者自己Google下,睇完都唔明嘅…E個Page唔係好啱你睇

保險佬應該係最乞人憎嘅行業之一,除左保險佬應該冇人會成日係FB提你「你死得架喇」。成撚日post埋D死人冧樓新聞,再加句「再鋒利嘅刀都有生銹嘅一日」「意外就係意料之外」總之驚死你唔驚死,嚇都嚇到你買份保險。

跟住三日唔埋兩日就見到佢地幾條西裝友係唔知邊間餐廳度影張合照,最緊要加句Caption「今日好高興同香港地區總裁共晉午餐,獲益匪淺,定會繼續努力為客人服務」…第二日咪番去樓下茶記食50蚊鼻涕飯囉!隔兩個星期又會見到佢地攞埋D濕鳩「第十條水魚大獎」「第一條水魚大獎」「極速墮落大獎」「最有進步空間大獎」

佢地嘅目的就係不斷係你個wall度刷存在感、扮撚晒撈得好掂咁同你講『我真係好撚有前途唔係垃圾小薯仔唔係做兩個月就走快撚D搵我是鳩但買份濕鳩人壽保比錢我換新電話啦』

D保險佬一定會將份工講得好好聽,咩「我地係幫緊客戶」「每個人都要份保障」「出左事得保險界關心顧客等等」。事實呢?每個月班保險佬只係望住個Target做人,關心嘅從來唔係D客用唔用得著份保險,而係開得夠唔夠單,今個月到唔到數。真係出左事嘅時候又左推右推話E樣唔賠果樣唔賠。

份咁濕鳩嘅工偏偏每年都有好撚多人入行。其中一個原因每年大學開學,都會見到一班保險佬係Campus叫你跳入火海。到你真係On99去見工又比佢請左,以為因為你好撚醒咩,sor9ry基本上只要你唔係盲聾啞嘅都一定會請,因為佢地要嘅從來都只係你嘅人脈,幫佢地拉下線開單。

一開始入到去好好架,你同team嘅人好幫你,公司又比好撚多清零(training) 你,話明清零緊係要將你個腦清零啦。佢地一定會洗你腦同你講「要主動收入定被動收入」,問你想冇底薪多佣金定有底薪少佣金。之後就會同你講主動收入好D、多勞多得、自己控制自己收入之類嘅廢話,『心態夠強!』『心態夠強!』『心態夠強!』(佢地一定講多過三次)

知唔知多勞多得背後果句係咩:
『就算你條垃圾一張單都開唔撚到我都唔會蝕比你呀!』

初初入去做D客點嚟,唔係幻想佢會比黃子華梁朝偉你跟呀嘛?啱啱咪講撚咗過佢請你嘅目的係你嘅人脈囉。結果你第一日番工佢就會叫你打晒比你D三姑六婆姨媽姑姐親戚朋友大同點中同小同幼同前同事前前同事前前前前前同事連樓下個看更都叫你打埋。叫你約鳩晒佢地出嚟食飯,希望你係樹林用機關槍盲掃睇下掃唔掃到兩隻盲毛番嚟。

初時好似好開心咁架,好似搵番好多舊朋友。但當你一表明自已做保險,你就好難證明自己唔係為錢而接觸佢地(而事實上你係)。你對住以前D朋友唔會再好似以前咁單純,你會開始諗『死啦今個月仲未到數,佢以前同我咁fd,快D屈鳩佢幫我買番兩份保單』

更乞人憎嘅係,當你第一線關係用完(真係識嘅人),就要開始向第二線關係埋手(FD嘅FD)。你每次見FD(客)都要乞佢嘅人脈「你比10個名我啦…我真係好撚窮等你個名開飯」。慢慢你就會比你身邊嘅人疏遠晒…當你夜晚照鏡會發現鏡入面個人好撚虛偽,冇晒自己朋友、人生就係為咗不停跑數跑數跑數…

唔怕!你有公司搞嘅船P晚宴去旅行,有一大班「好手足」嘛!聽日一定會更加開心姐!係唔係呀哈姆太朗!

嗱唔好誤會,我唔係話你會同出面嘅FD斷晒contact(斷晒你就乞米啦),我只係話你同佢地嘅關係會變到好似支KY咁(終於貼番題)「最近英國個市跌喎,我隻基金有冇事」「喂我表姐個FD個細佬去旅行,想買隻旅遊保,你幫下佢啦」「我想問下睇跌打係咪有得Clam?」

即係點?即係個個都知你係度,但佢地搵得你通常都係奶緊屎囉。

 

 

作者:賤咀男

賤咀男
賤咀唔賤格,幫你講出你心入面想講唔敢講果句,男人內心最真(賤)實(咀)想法。『純屬主觀 絕對偏頗』

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 「媽劇停」之苦 by 小盛女
    最緊忙緊咩?忙緊請人,你無睇錯,我終於可以請人喇!唔使再一個人頂晒所有嘢,好感動!起初我滿心歡喜,以為會有好多CV send過嚟,點知原來10份都無,仲要有幾份係印度人,我唔係歧視佢地,只係唔識中文真係搞唔掂,好難勝任「媽劇停」嘅工作。…
  • 【邊度囡囡最好?】日本妹世界第一 by Ban Na Wong
    日本妹擁有純潔既氣質,動人既笑容,楚楚可憐既眼神,返到屋企會同你講「哦街li」,較埋熱水俾你沖涼,煮好飯等你食等等,嗚呀真係頂唔順,好想..........以上呢D,日本妹稱之為女子力…
  • 香港警察的政治智慧 by 健吾
    當時特首梁振英叫盧偉聰向習近平交代香港犯罪率情況,盧偉聰即說道:「現在我們的犯罪率是1978年以來最低的一年。」習近平指出香港社會情況變得複雜,人口亦愈來愈多,但犯罪率反而有所下降。盧偉聰答道:「要感謝我們內地的公安部對我們的支持,沒有他們…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 137162
Date: 2016-06-29 16:14:02
Generated at: 2022-07-02 03:56:30
Permalink: https://www.vjmedia.com.hk/articles/2016/06/29/137162/做保險即係自願做支ky