男仔化妝冇問題，乸囉

本來寫緊第二個topic，偏偏又比我見到個fd Like咗條片，大致上就係講『男人化妝冇問題架喎』。搞到我忍唔住打文回應。

賤D講句：男仔化妝的確唔係問題，乸囉

佢係條片度講左三大理由點解男仔化妝冇問題（用「」 括住嘅部份），咁我就先逐點回應。

「化妝品牌都有推出男仕系列」

化妝品公司出男仕系列只係因為化妝嘅男仔足夠多到『將同一樣產品改個包裝換個代言人已經有錢賺』佢地咪生產。化妝品公司從來只係向錢看，They Do Not Fucking Care化妝品係唔係「女人野」、男人化妝「乸」定「唔乸」。It mean nothing！

如果所有豬農開始幫豬化妝，我肯肯定所有化妝品公司今日一齊出「豬用系列」。

「由護膚開始，都係男人化妝嘅一部份」

哇屌你仆街中伏！咁我刷牙咪又係整容嘅一部份？！嗱我同意架，我真係贊成男仔係要打理好自己皮膚，唔好油頭滿面、成面暗瘡、勁多黑頭粉刺，男人要乾淨整齊嘛，我真係好撚認同架。但係將「唔化妝」等同「唔整齊」咁偷換概念法你玩撚晒姐。

咁不如話『哦你撩鼻屎，你清潔面部，清潔面部係化妝一部份，哦你化妝！』唔撚係咁玩法嘛。最好笑佢自己後面都講左「男士護膚」唔等於「男士化妝」，清潔係清潔、護膚係護膚、化妝係化妝，三樣係唔同嘅野，溝埋嚟講，一係白痴一係就想淡化個問題重心。

我係絕對支持男仔要保持清潔，個人衛生問題嘛；我都唔反對男仔護膚，只要唔好太過火我覺得冇乜問題，即係唔好「哇今日太陽好猛呀～我要擦番D防晒先～」；至於男仔化妝？冇問題～乸囉

「彭于晏吳彥祖金城武木村托哉都有化妝啦，唔通佢地又係乸」

屌你出show化妝拉撚埋嚟講？小丑開工夠化到麥當勞叔叔咁嘅樣（？），唔通平時化「小丑妝」出街又係『冇問題』？羅莽夠晒Man喇掛，佢拍戲都化妝啦，點解呀，做緊野嘛On9！好心唔好舉藝人做例子，就算比你搵到佢地平時出街化妝都唔代表D咩。佢地係娛樂行業，賣嘅係佢地「形象」，佢地有「義務」無時無刻維持「公眾對佢嘅印象」。

But you are Nobody！如果出Show影相甚至Grad Din化妝緊係唔係問題（Grad Din就…你諗你）但你平時出街唔係「要迎合公眾對你嘅印象」而係「你想建立一個點嘅形象」。建立個人形象本身好正常，正如男仔係應該要襯下衫蠟下頭（當然蠟得太勁就會好似ming仔嘅《每天自戀多一些》咁啦）不過男仔化妝建立咩形象？乸囉

想像一下你坐地鐵去到深水埗站，有個男仔行入嚟，佢中分頭格仔襯衫柒分褲白長襪再加對涼鞋（利申：唔係我）你夠膽講唔會係心入面叫佢「死毒撚」？正如你見到女仔鐘意打機、食大排檔、唔鐘意化妝，你都會叫佢「麻甩系女子」；同樣道理唔怪得人話男仔化妝「死乸形」「姿整怪」「姐手姐腳」喎。唔係點解要咁諗，而係只係一個確實存在嘅「現像」，冇話啱唔啱、應唔應該。E個唔係岐視，E個係刻版印象（又係另一篇文嘅topic）。

男仔決定化妝出街果一刻，就等同默認接受其他人嘅睇法。掉番轉如果你大大聲同人講『男人乸乸地有咩問題』，我真係吹你唔脹。但偏偏一邊認同男人要Man，另又要死兜男人化妝唔係乸。講到尾咪係又想宣傳自己間化妝學校招多D男生。

男仔幾時化妝先唔會比人話乸？訓係靈堂果時掛。

最後忍唔住講一句，我知離咗題但條片zoom大頭影住佢個死人表情加埋把叫春聲真係好撚噁心，為左打篇文結果又要睇多幾次佢條片真係好撚辛苦。

作者：賤咀男

賤咀唔賤格，幫你講出你心入面想講唔敢講果句，男人內心最真（賤）實（咀）想法。『純屬主觀 絕對偏頗』

閱讀後覺得好，請多多讚好及分享～：）