在香港無左部電話可以點生活?

(photo via cc Flickr user Karla Fitch)

(photo via cc Flickr user Karla Fitch)

 

唔知你地有無試過電話無電or 唔記得交電話費比人cut 左

今日想講一件生活中的大事,係香港呢個地方,無左電話去聯絡人絕對會係一個生活中的大事。

話說星期一的早上,我發現自己個電話No Service,但我個日正正約左公司同事出去見客,咁點算好呢?又未講好係邊個位置等,呢個時候我問地鐵職員到底邊到有電話打呢?結果呢?係無!一個都無…咁我可以點好呢?我唸住我都算係一個正常既女仔,然後我就鼓起勇氣問一個企係到等人既女仔,同佢講電話打唔到,問佢借,佢眼神話我知佢係有D 懷疑,所以我當刻就同佢講,我部iphone 6 S比你囉住,你唔使驚,我唔係呃人個D ,然後佢先徐徐打算借比我,最後都無問到佢借,因為我竟然見到我朋友。件事就完左。

好短既故事,不過呢件事令我唸起小小有關香港的事。

以前我借個電話比人,連唸都唔使唸,宜家就算係我,我都會唸一唸,而呢個唸一唸到底係幾時開始變到咁呢?我都已經唔記得,都唔知道幾時會變成咁,但我對於呢個改變實在好難過,原來當我電話用唔到,好需要人幫既時候,係香港係可以咁無助,明明每個人都手上都有一部機,但我就完全唔敢再問人借電話,香港人既防備心高到一個好可怕既程度,令我唸起內地有小朋友撞親都無人扶起佢,因為我地從內地個案中,學習唔好輕易相信人。呢個香港我突然發現好陌生,我真係唔想呢個香港變成好似中國內地咁,我實在覺得好難過,我話比我自己知,我要多留意身邊既人,我唔想呢個香港變得好冷淡。

 

作者:一粒塵

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 137604
Date: 2016-07-05 05:08:51
Generated at: 2021-06-23 23:30:31
Permalink: https://www.vjmedia.com.hk/articles/2016/07/05/137604/在香港無左部電話可以點生活?