【兩性解毒】食飯點俾錢?

(photo via cc Flickr user martin)

(photo via cc Flickr user martin)

 

一般香港男女朋友出街好多時都係由男生負責俾錢,其實所謂「同男朋友出街食飯應否AA」已經係老掉牙既日經問題,直頭可以做公開試既作文題目以取代「中學生應否談戀愛」。而窮生既切入點都已經唔想講呢個行為本身,而家果個心態問題。因為上面提及果篇文既果位作者其實都係AA制既人,但係果個心態係錯哂。因為係香港地原來有個會AA制既女朋友,作為男朋友已經要感恩,引用返窮生成日講果句就係:「呢D文睇得多你會冇咁鍾意女人。」

作為一個女人之前你係一個人,一個獨立個體。係香港呢個開明發達既城市,男女係身份地位同職場上都可以話做到平等(甚至可能係女性更高),係咁既情況之下,尤其係初入職場既後生男女黎講,大家收入大體都應該係差唔多。如果係差唔多收入而非有任何一方有經濟上既困難,點解要有一方俾哂既心態既呢?以窮生同窮太為例,我地係冇計過邊個俾錢,有時係我俾,有時係窮太俾,當有時我覺得佢已經俾左好幾餐(窮生成日冇CASH係身),我會無啦啦比返幾百蚊佢,我地2人從無想過呢件事係要教育,因為大家都係有手有腳,冇錢咪食平D囉。窮生會主動請既情況通常係,例如窮生係好鍾意食鰻魚飯,而大家都知係街要食鰻魚飯多數都比較貴,咁我想食,要窮太陪我食,我當然會請佢食啦!因為係我話要食貴野嫁嘛!但係正正常常大家一齊生活,大家又係有收入既人,窮太既心態會係:「我自己有搵錢點解要你請我食飯?」作為男人既我有咁既女朋友我會欣賞同感恩,但呢句說話唔會由女方把口講出黎。

另外一個思考誤區就係,因為個男朋友搵得多就要人地俾錢。喂!大佬!我搵得多得罪你嫁?呢個唔係搵幾多既問題,自己食飯自己俾錢係教養問題,係常識黎嫁嘛!你同朋友出街你朋友有錢會唔會出親街都要請你食飯?佢要請你都唔好意思啦!有本事就自己搵到自己食啦!又引用返窮太語錄:「個男人搵到錢係個男人本事,只要個男人唔介意我冇錢要食平野,同我一齊食,點解要個男人俾錢?」所以窮生一向話窮生自己除左理財勁,揀女朋友既眼光一樣係無得頂既!

如果一個女人同一個男人拍拖係有諗過同佢有將來,呢D數一定會同男朋友慳,而且未來係2個人一齊建築既。窮生可以講,搵得到錢既男人未必識得用食飯黎試女方既真本性,但善於理財既人一定會識揀好女仔黎發展,喜歡搵叻人做男朋友既女仔,又會唔會係叻人喜歡結識既女性呢?所以由今篇《兩性關係解毒系列》開始,我會努力為大家解毒,做一個健康既香港人。如果要感謝同您AA 制既女人,其實姐係講緊要感謝你係個正常既女人,係十分搞笑既。大家一齊努力,令劣質港女減少。

 

 

作者:窮家有道——窮一生

窮家有道——窮一生
出生在80年代未期,近90後多過80後,做緊一份同錢冇關係既工作,所以成日將個窮字放係口邊。所有人眼中極慳既我,其實只係享受簡單而有品味既生活。大數細數都鍾意計一餐,不為什麼,只是因為理財本身係我「窮一生」既興趣。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 137872
Date: 2016-07-09 05:13:22
Generated at: 2020-12-03 06:19:18
Permalink: https://www.vjmedia.com.hk/articles/2016/07/09/137872/【兩性解毒】食飯點俾錢?