一班人去旅行,最精彩既往往都發生喺酒店房

圖為我地當晚玩大電視既場面
介紹番:app瘋狂來往/誰是卧底

 

過去既七一長假期,我同幾個朋友一齊北上奶奶共
我地一行八人參加左果啲$399大媽奶共團
同團既都係十歲以下,或者四十五歲以上
都係果句啦,我地都係為左一齊玩先參加姐

說到底一班人去旅行
同有啲男人約女仔去旅行一樣
都係最期待酒店房玩到天昏地暗。

酒,薯片(大量),杯麵一早準備好
今次仲準備好鬼片一套
八個人迫喺兩張單人床熄哂燈睇鬼片
睇睇下望去房啲鏡都幾驚見到第九個人
好high! 睇住其他朋友被嚇到仲high

群體遊戲也是一班人去旅行既必須品
大電視,誰是卧底都好好玩
最後亦係最重要既一定係熄燈傾心事時間
深夜既心靈交流特別有氣氛
不知不覺大家都講哂自己野講到凌晨四點。

好似由細到大
遊學團到自己同朋友去旅行
最後回憶起最難忘既通常發生喺酒店房
可能係同床搶被 鄰床打呼 講秘密講到喊
瘋癲的事總在酒店房

記得有年去韓國我地四個女仔迫喺一張上格床
玩玩下吱對方變左打交 笑到肚痛收場

都係果句啦,一班朋友去邊真係唔重要
景點再靚都永不及酒店房裡精彩
下次我地喺香港租間酒店房玩咪算囉~

 

 

關於作者:港女友

港女友
與另一半以互相捉弄為樂,取笑對方是家常便飯,低智商成熟地戀愛。表面分享趣事,實際放閃。小心眼盲。

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。