從政梗係要睇得又打得

政治 / 最新文章綜覽

中出羊子

 

「即使周庭係做學民花瓶,佢都係個唔稱職嘅花瓶。」(仇,2016)

老老實實,做花瓶唔緊要;更進一步講,連花瓶都冇資格做,又冇其他所長,其實已經可以唔使諗從政。

有人話政治唔係選美,但佢哋又中意捧啲政治花瓶。佢自相矛盾都唔理佢住,呢個世界嘅政治人物,其實係要選美架喎。

古代未有相機,寫真都要過人手,但孟子已經會爆出一句「望之不似人君」嚟恥笑魏王;唐朝科舉之後,真正授官嘅釋褐試,係要睇下你夠唔夠靚仔,甚至因而有鍾馗唔夠靚仔冇官做而自殺嘅傳說。

遠嘅唔講,今時今日,有幾多人為咗普京扯晒旗出晒水?幾多人日日望住克里米亞檢察長打晒飛機?又幾多人日日恥笑緊江澤民似蝦蟆、胡錦濤係面癱?最極端嘅,你敢唔敢正眼望張志剛吖?

咁我當然唔係話人靚就得。只不過,我唔物化女性啦,我講男仔啦,你寧願睇住梁天琦十分鐘,定係睇住周浩鼎十分鐘吖?我就頂唔住個鼎喇。連呢十分鐘都爭取唔到,搵咩人理你呀?

靚仔靚女夠唔夠,有呢十分鐘夠唔夠?唔夠架,你仲要令人覺得你正氣、可靠。你可以係陣前激進、目標明確、博學多才、見義勇為、謙厚親民、國士無雙,總之要有個鮮明可信嘅形象。一句到尾,女都溝唔掂,一條女都說服唔到,又點說服幾萬個市民投票畀你?我又物化返女性啦,選舉當前,你會睇周庭制服look出鏡同袁彌明大面政治BB班?你都戇鳩嘅,梗係睇中出羊子表演政綱啦,至少睇落羊子講嘅嘢,佢真係夠薑做吖!

再進一步,亦係最實際嘅:你有冇業績先?如果話形象係「創業」,係參政入門,入咗門之後交成績「守業」,先係選民真正想你做嘅事,亦都係選民驗證你得唔得最明確嘅指標。如果做嚟做去都係唔得嘅,你幾靚仔都好、形象幾好都好,唔通賣樣賣形象賣理念賣足三十年咩?賣足三十年嗰班都知自己冇樣冇形象啦,都識主打賣理念啦。從頭到尾冇樣冇形象冇業績冇理念,點投呀?

咁如果又唔係靚仔靚女、又唔係正氣可靠,辦事不力、小器冇品,個頭又油、數學又唔去考、盲字都唔識多個,又想養活自己、貢獻社會,應該點做呢?

去搵間冰室學師把啦,傳承本土文化呀。

 

 

作者:薰華

薰華
塵世中一件無名廢青,除咗偏見同口水就冇嘢多。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 137961
Date: 2016-07-10 15:18:54
Generated at: 2022-08-17 19:24:40
Permalink: https://www.vjmedia.com.hk/articles/2016/07/10/137961/從政梗係要睇得又打得