去到放假個下,先覺得自己似返個人

 

終於放大假,呢種「星期一唔使返工」嘅感覺令人興奮之餘又有啲唔真實,畢竟要捱到放假個一刻先稍稍可以放鬆自己嘅情緒。

身為一個屋邨仔,屋企除左可以平租住公屋之外幾乎咩都無,細個試過為左慳錢一日淨係用五蚊食兩餐,讀大學時試過窮到雪櫃得返公仔麵同洋蔥,曾經有一刻我同自己講呢個世界錢係最重要,為左錢我第日咩到要做。

但到左今日,我仍然好窮。

因為我無履行到為左錢咩都做呢個期願,甚至好多時為一左口氣同啲阿頭頂到行,年中唔知得罪左幾多人,成為左幾多人嘅眼中釘。

話說回來,有啲同事開始諗買樓,有啲同事係我咁大嘅時候已經買左樓,其實計一計都知,要做幾多年野先可以儲到首期,人地屋企有閒錢俾佢做首期,係一種福份,對於一個無錢嘅人黎講,我唯有同自己講,有錢,唔一定開心嘅。

我窮,但我對買野無追求,除左想買籃球鞋同買多條nike pro當泳褲之外,我又唔想買貴皮鞋又唔想買車又唔聽歌唔使買耳筒hifi又唔買名牌衫褲手袋,只要唔諗買樓,我份糧,其實幾夠用。

諗到呢度,多數我就會停,因為我分唔到接受現實同自我安慰之間嘅界線。

如果你俾我揀,我諗我會揀做錢人,雖則話「千金難買少年窮」,但我唔介意有人用千金同我買走啲少年窮。

窮的確令我成長,諗多左,做多左,但有頭髮邊個想做熾哥,我係有錢仔,我日日返工可以返到放假咁,做唔掂搵個uncle介紹下又可以做第二份,乜都唔識都可以高人工過啲力爭上游嘅平民,又使撚做到隻狗咁先乞到個大假黎過返啲人過嘅生活咩。

所以話,做一個普通打工仔,其實都幾可悲。

 

 

作者:阿樹

阿樹
一個正職Auditor兼職人類,用實際上不存在的私人時間說著或許早已發生在你我之間的故事。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 137984
Date: 2016-07-11 04:12:02
Generated at: 2020-08-15 09:52:18
Permalink: https://www.vjmedia.com.hk/articles/2016/07/11/137984/去到放假個下,先覺得自己似返個人