【放榜勵志故事】我的前半生

084_n

 

當年會考,適逢初戀,掛住拍拖,會考成績有19分(文商科)算係咁,夠升上原校(St.Cat)預科。

到A-level,又掛住拍拖,好彩我讀嘅科目係唔太洗温書:計數嘅科目入去前知點計就得;語文科目係日積月累,無得温;仲有一科文學,温得最辛苦就係呢科,因為上堂都係訓覺多。而家諗返都唔明,文學係用黎鑒賞嫁嘛,點解攞嚟考試~最後成績,Account有B、maths stat有C;中化C,UE E(英文一向全班最尾,合格都偷笑),文學唔記得係D定E~

總之就順利升到第一志願,Poly嘅Fashion & Textile。中學時不時會車下袋俾自己用、車下裙俾自己著(我grad din條裙都係自己車),我以為咁樣我就應該讀fashion design。上到去,先知唔係呢一回事。自己係鍾意車野、整衫,但嗰d並唔係fashion design,自己都唔適合讀Fashion design,或者應該話有更多人比我適合。入唔到design就入左Technology,只要係讀啲布料同埋製衣嘅技術。

我嘅大學生涯真係上堂、温書嘅時間唔知有無10%。其餘時間主要係用左黎上莊-poly出版部。基本上不分晝夜都喺poly,有時打風都係一齊留喺poly玩。(嗰時無住hall,主要喺莊房訓)。每年有幾個月係搞Ocamp、幾個月O freshman、幾個月consultation 。無限循環。(我係不死老鬼黎,不過大把老過我嘅嗰時都有一齊返去玩)(「老鬼文化可恥!」我知~而家支莊都無左,你仲想點?)

我嗰科出名易讀,但我嘅GPA係從來無過過3。順利喺讀完year3後畢業都係有賴身邊人嘅提點幫忙同埋運氣。

問題就黎啦!會考後順利上預科,A-level後順利升大學,大學又順利畢業,然後呢?

畢咗業幾年,都係搞下啲濕9野,搞過一個自家品牌,主要賣d自己車嘅袋同飾物,兩年黎應該有賣左百幾二百個袋掛,D人買得我諗佢地都鍾意嘅。

然後做左兩三年,想塭長工,做d媒體嘅工作,就先後參加過兩個媒體搞嘅招募比賽。贏又贏唔到,工又塭唔到,係拍過幾段9片,喺網上留下洗不走嘅痕跡,咁就一世。

呢一年,就搞左兩次選舉,分別係上年年尾嘅區議會選舉,同埋今年年頭嘅新界東補選。可能黎緊會搞第三次選舉。社會嘅改變可能係有嘅,但其實無我,個世界都係會咁發展。加上個人呢一年就殘左同虧左好多,最慘仲要搞成年都未謀到一個幾毫同一工半職。

睇到呢度,其實你都應該睇到,一個讀完U幾年,長工都無做過,毫無成就可言嘅廢青嘅前半生。

所以個人廢唔廢,唔關成績好唔好,同入唔入到大學事,係睇你個人有無方向、目標,知唔知自己想點。世上係有好多條路可以行,但如果唔知自己想行邊條路,9下9下,到最後都係9下9下,just like me💗

無乜事我出返去繼續做迷途羔羊啦!

 

(附上大學畢業照,我個仔件畢業袍我車架!)

 

關於作者:何夢

何夢
這是真實、是虛幻或是一場夢?我們是被時代推著走,或是領著時代走?我們是時代的主人或是旁觀者?我選擇做一個記錄者,記錄下我的事,也是這個時代的事。然後這些便是歷史。

我有回應

則留言

閱讀後覺得好,請多多讚好及分享~:)

其他熱門文章

  • Ansheles 可能係最成功的ViuTV 藝人 by Terence Yun
    當一個演藝人以他的個人身份做一個節目,其實已經算是成功了,看看那個《返歸啦俄仔》便是為他度身訂造。當然世界盃在俄羅斯是其中一個理由,但是如果他不是一個好藝人,電視台也不會特意做他,所以說明他是有其能耐。而他亦很稱職,他能夠搞笑、反應又快,他…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 拍拖愈耐,男人愈懶 by 小盛女
    仲記得曖昧期嘅時候,阿Mike會帶我周圍去食好西,法國餐廳、日本居酒屋、地道大排檔,次次新款,拍咗拖之後佢就話食咩都無所謂,你諗啦你熟啲,一齊咁耐有幾多次係佢搵餐廳同我去試?一隻手數得晒。我唔係期望次次都係佢搵,但係十次有一次都唔會好過份掛…
歡迎讚好我們的facebook page,免費資訊源源送上。