成個DSE 根本就弱智

 

賤咀廢up 成個DSE根本就弱智-01

 

通常我好少一開始就帶定頭盔,但實在太多DSE雞少少事就自殺,利申定先:

『嗱我E篇講嘅係DSE個制度本身,唔係針對讀DSE嘅人,你諗唔開咪撚瀨我』

DSE今日放榜,一切已成定局,而家先出E篇文應該唔會搞到你地訓唔著喇掛

我係一個舊制出嚟嘅老屎忽,即係考完AL/CE果班人。你話我有冇岐視DSE嘅人?肯肯定有。尤其係大學見識過新舊制一齊入嚟果年,個對比大到幾乎一眼就估到係AL定DSE。但今次唔係講佢地點樣鳩,係講個「制度」點令到佢地鳩。

09年開始香港教育制度無啦啦轉做334,即係三年初中三年高中四年大學,好似好撚好聽咁話同世界接軌。係,外國的確334係主流,不過香港版同其他政策一撚樣,淨係識抄個殼但個餡冇變過,結果咪玩死班學生囉。

首先第一樣好撚好笑嘅就係轉左個評級名。而家唔再係攞ABC,係5、5猩,5猩猩σ ゚∀ ゚) ゚∀゚)σ結果唔止班學生,連班補習『名師』都係度曬有幾多條「5」。真心得啖笑,有「5」好撚巴閉咩?唔好唔記得你地考嘅野淺撚左好多,對比番AL你得C尾D頭炸!如果有邊個攞住條C就係度認屎認屁實比人笑到面黃啦!

另外DSE所謂要愉快學習,比學生跟據自己興趣選修。咪撚玩啦,而家仲講「求學不是求分數」唔係覺得有人信呀嘛?讀齊文理商三科你想搵邊個Major收你呀,真係通識咩。一邊叫人跟據自己興趣選修,另一邊又係咁谷人入大學係咪ON撚9?

不過E D都係小問題,最大問題係香港334缺少一個「分類」嘅機會

雖然咁講個feel真係好老屎忽,係舊制CE咩成績會影響係邊度讀預科,讀唔掂就自然會比人踢出去。即係話如果升到中六,身邊嘅人會全部都係讀到下書同埋以「入大學」為目標。唔好講會唔會「互相鼓勵」,至少個「風氣」係集中讀書,全班唔會有人上上下堂係度嘈鳩住晒(訓就大把);係公開考試前三個月唔會有人日日係度約人唱K打機睇戲(#我見過 #我真係見過)。所有人放學一係去自修室,一係留係班房,一係番屋企自己溫書。

咁樣係咪好撚on 9?係架,但入得中六七就係為咗入大學,個遊戲就係咁玩架啦,預咗架喎。

連冇整過野食嘅人都知,將唔同餸分開煮是常識吧。而家DSE就係唔理你係魚生刺身定西冷牛扒,總之一煲過將所有野倒撚晒落個鑊度。你中一派咗去邊間中學咩,冇架喇你留係果間度考你嘅大學啦。咁樣對果D初中先開始發憤讀書嘅人其實好撚唔公平。

『咁E個唔係全世界334都有嘅問題咩?』唔係!其他行334嘅國家例如台灣,佢地係初中同高中之間,有多一個公開試,根據公開試成績再分去唔同嘅高中,難唔難我唔知,但個重點係E場公開試一來可以等班DSE雞認清楚公開試係乜野一回事,二來正正可以將唔同人分開,讀書叻,想入大學果班咪可以同番同類人一齊囉。

其實唔想讀書真係唔係問題,無論你鐘意跳舞、畫畫、唱歌甚至化妝都冇問題架,最緊要搵到自己真心鐘意做嘅野,就連鐘意打機,都有機會打到代表香港比賽。讀完中學咪出去做野或者進修囉,IVE又好、化妝學校又好或者其他專門學校都好。好多人都係咁樣將自己熱愛嘅野變成職業架啦,好成功咩,唔係個個係,但至少自己養得掂自己。你係On9嘅,比你碌到入大學浪費完4年學費咪又係On99做個文員仔。

都係果句,係香港係餓唔死人嘅,讀書從來唔係唯一出路,盡力做好自己想做嘅野咪得囉。

我想講嘅係,每個人本來就有唔同嘅能力、志向,將所有人放落同一把尺量度已經係香港教育界嘅積陋,而家你唔改善個問題不特止仲變未加厲唔將D人分類?

即係點?將「馬騮」,「班馬」同「飛魚」都用『爬樹』嚟評核已經唔公義,而家仲要將三樣野放係同一個籠都養,班馬同飛魚又會以為自己一無是處,連馬騮都冇左同伴同對手,仲點會爬得快呀!

最後送一首我好鐘意嘅歌比大家,希望大家認真聽歌詞:農夫——複製人

 

 

作者:賤咀男

賤咀男
賤咀唔賤格,幫你講出你心入面想講唔敢講果句,男人內心最真(賤)實(咀)想法。『純屬主觀 絕對偏頗』

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 「媽劇停」之苦 by 小盛女
    最緊忙緊咩?忙緊請人,你無睇錯,我終於可以請人喇!唔使再一個人頂晒所有嘢,好感動!起初我滿心歡喜,以為會有好多CV send過嚟,點知原來10份都無,仲要有幾份係印度人,我唔係歧視佢地,只係唔識中文真係搞唔掂,好難勝任「媽劇停」嘅工作。…
  • 【邊度囡囡最好?】日本妹世界第一 by Ban Na Wong
    日本妹擁有純潔既氣質,動人既笑容,楚楚可憐既眼神,返到屋企會同你講「哦街li」,較埋熱水俾你沖涼,煮好飯等你食等等,嗚呀真係頂唔順,好想..........以上呢D,日本妹稱之為女子力…
  • 香港警察的政治智慧 by 健吾
    當時特首梁振英叫盧偉聰向習近平交代香港犯罪率情況,盧偉聰即說道:「現在我們的犯罪率是1978年以來最低的一年。」習近平指出香港社會情況變得複雜,人口亦愈來愈多,但犯罪率反而有所下降。盧偉聰答道:「要感謝我們內地的公安部對我們的支持,沒有他們…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 138174
Date: 2016-07-13 15:49:18
Generated at: 2022-07-02 05:01:19
Permalink: https://www.vjmedia.com.hk/articles/2016/07/13/138174/成個dse-根本就弱智