生活上令你爆炸的十個時刻

(photo via cc Flickr user Anna & Michal)

(photo via cc Flickr user Anna & Michal)

 

一、 搭車時前面個女人將個手袋當係八達通咁係咁掃,掃極都掃唔中,阻住地球轉。

二、多人去M 記點餐,前面個老野喺到猛咁問「我想要個牛肉包」(即係咩包啊阿嬸?)、「冇毫子喎我平啲得唔得?」(已經有老人卡優惠架啦你仲想點啊?)、「餐平過齋買…… 我又食唔曬…… 咁買包定買餐好?」(你鍾意啦)、「我想要上次食個個包……有塊肉喺中間嘅呢……」(隻隻包都係咁架啦!)、「一個包要成十蚊架……咁熱氣」(係買就買唔買就過主啦!)等等白痴問題。

三、去買燈膽前面條友唔知自己屋企用開釘頭定螺絲頭,然後猛咁問人釘頭定螺絲頭燈膽有咩分別,同樣係燈膽點解唔通用。

四、朝早趕時間搭車,然後啲阿婆阿叔猛咁㩒鐘又唔落車,搞到站站停。叫佢唔好亂㩒,佢地又會發曬脾氣話你蝦老人家唔識字唔識路。

五、俾紙皮阿婆用手推車撞,叫佢小心啲佢又發曬癲喺條街到話你睇佢唔起。

六、喺地鐵坐低,啲阿婆阿叔走去你面前猛咁咳,俾佢坐又話自己下個站落車,擾嚷一輪先欲拒還迎。

七、老野喺巴士/地鐵/gym 開到大大聲睇新聞播歌,當中又以大陸歌最嘈最煩。

八、去㩒機,前面條友埋位先搵卡,打密碼又狂打錯,㩒錢前又要check balance,㩒錢個下又諗㩒幾多先好,㩒完又㩒多一兩百出嚟,最後又check 多次balance。你以為完?仲有第二張卡,重複以上動作,最後等個畫面完左,慢慢收埋收卡,摺好啲錢,擰轉頭見到條龍原來已經咁長,喺到偷笑,施施然走人。

九、去做gym,開口問條撚樣個啞鈴仲用唔用,佢話:「我一向都唔會喺gym識人。」 我屌你老母啊,我問你用唔用個啞鈴咋,撚想識你啊!?

十、出街,啲打杷老母打杷老豆由得啲細路狂喊,尖叫,跑嚟跑去撞人,倒瀉野,而自己就喺到玩電話。

 

如果你認同以上內容,你就係一位憤世嫉俗嘅廢青,歡迎加入。

 

作者:亂臣賊子

亂臣賊子

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 138362
Date: 2016-07-16 15:57:30
Generated at: 2020-03-30 05:14:47
Permalink: https://www.vjmedia.com.hk/articles/2016/07/16/138362/生活上令你爆炸的十個時刻