其實「鐘意小朋友」就生仔,比意外懷孕更仆街更冇道德

(photo via cc Flickr user AForestFrolic)

(photo via cc Flickr user AForestFrolic)

 

我好細個,大概小一、二就問過老母點解要生我,當時只係想知自己點黎。個陣老母話因為佢同老豆都鐘意小朋友,而且有小朋友就完滿啲。過左十幾年,諗番起呢個答案,加上知道好多夫婦都係呢啲原因而生仔,我真心覺得佢地好仆街。要咁話自己父母其實好難,聽落好不孝,加上我父母其實對我好好,我一直都好感受到父母對我嘅付出、犧牲,所以我會話佢地絕對係好父母,但唔係好人。

一句到尾,我根本就唔想生存。呢個世界實在有太多悲傷、無奈。我而家大學畢業,每個月15K,其實我收貨,問題係一做起碼四十年,捱完幾十年,退休又要擔心冇錢過世,或者長期病患,香港人仲要咁長命,真係無陰功。講得誇張啲,動物要定時定候食野已經係種無奈、身不由己。簡而言之,人生就係不斷的擔心、傷心、受折磨。或者有人會問我點解唔去死。自殺,其實我諗過,但我唔夠膽,我亦唔想關心我嘅人傷心。生存為我帶來嘅就係掛慮,令我明明唔想生存,又唔敢去自我了斷,所以我真心佩服有勇氣自盡的人(自盡是否合乎道德容後討論)。

因為鐘意小朋友而生仔,就好似salon洗頭仔因為鐘意幫人洗頭,問都唔問就洗濕我個頭,搞到我肉隨砭板上,冇得番轉頭。明明你唔知我想唔想黎呢個世界,就幫我決定,咁樣係自私,為一己私欲而令有人要受苦。冇錯,我咁講法,係話所有人都唔應該生仔。

當然,我都係因為出到世,先可以話唔想出世。同時間,有人係慶幸父母將自己帶到世界,享受世界的「美好」。子女鐘唔鐘意個世界,其實係一場賭博,但輸贏唔洗做決定嘅人負責,考慮自然唔會周詳。情況就係你點餐,你食飯,我埋單。呢個亦係生育不乎道德的一大原因。

有人想生仔,係想佢地嘅小朋友可以享受世界的「美好」,或者見證上帝嘅作為。呢班人認為,唔生仔就等於剝奪子女存在權,反問「佢地可能好想出世呢?」。呢個說法就更荒謬。我想請問「佢地」究竟有幾多個?點解有啲生一個,有啲生三個?按推論其實應該有無數個。個班父母應該一生完仔,第二日就扑野,不停生,生到更年期。但即使係咁,今日扑定聽日扑,邊條精蟲游快啲,生出黎嘅都唔一樣。即係話你生到A,就生唔到B。所以按「剝削論」嘅邏輯,無論生幾多個,都一樣剝削緊冇出世嘅子女的存在權。由扑野到出世,經歷左太多偶然,生命本來唔存在,何權之有?

既然不如意事十嚐八九,生存本身又已經充滿無奈,除左父母私欲,我實在諗唔到其他理由為生育解脫。既然老、病、死都帶來不安,點解又要生?既然生出黎嘅未必想生存,點解要搏?父母想生就生,是何等自私?計劃生育同意外懷孕,好比謀殺與誤殺。

 

關於作者:西西斯弗

對世事諸多不滿的犬儒派,最想改變的,就是從來沒有被投擲於世。別人笑9我太悲觀,我笑9他人看不穿。

我有回應

則留言

閱讀後覺得好,請多多讚好及分享~:)

其他熱門文章

  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
歡迎讚好我們的facebook page,免費資訊源源送上。