不請自來王小強,淘寶「聖衣」cheap cosplay 嚇親真公關

 

正所請做人冇公關就死得人多,點解公關咁緊要呢?因為,一個活動,講既係感覺,而感覺係好難控制既。你請咩人,唔請咩人,有咩人不請自來,都會令到個活動,有唔同感覺。

好似早幾日咁,有一個星矢既活動,又有Twins 又有林作。仲有王浩信之前仲得到過車田正美老師既畫,車田老師又收左佢張CD,有基本交流,都叫做做晒功課啦。點知,尋日我就聽到天下第一公關既料,就話有一個自以為自己係日本通既人呢,扮晒cosplay星矢咁去現場,仲自己搵人影相,仲出左Post,然後Boost post,驚死人地唔知,呢個活動佢有份咁。

 

今天非常高興可以見證我從小到大非常熱愛的作品「聖闘士星矢」於銅鑼灣時代廣場舉辦的展覽開幕!原是青銅聖闘士的星矢們能擊敗黃金聖闘士,就是憑着那種永不放棄、全力燃燒小宇宙和堅持信念的精神!就是被那種精神深深影響,形成了今天的我,成為我工作和做人的方向!

Posted by 王友良, Ivan on Monday, August 8, 2016

 

隨緣就八下,究竟咩事啦。點知大公關阿哥就話:「我地冇叫佢架啵。我有同邊個合照,咪就係我叫既嘉賓囉。佢不請自來架。」之後,隨緣個世姪仔,原來就係係今次日本仔個B仔記度做,買晒T恤同袋袋之後,就問下世姪仔咩事,佢就話:「嘩,你知唔知呀,我地日本大老闆問,呢個cheap coser 係邊個搵既。佢地以為係 Times (時代廣場)搵架。」

哈哈哈,咁都得?即係時代又冇搵佢,B仔記又冇搵佢,自己中埋去,之後仲要扮有份?嘩。呢D娛樂圈七八線暗星做既野,佢都要做?佢話晒都係小丸子全宇宙唯一既朋友,仲要係小丸子經理人啵。

 

「你知唔知呀,網上面有人講緊呀,佢買果件T,係淘寶貨。B仔記應該就冇做過呢件衫,不過東映呢,幾年前,就出左呢件衫既版權,你睇下?
眼利既網民,一睇就知,佢應該幾有可能係淘寶買左一件極有可能係假貨既衫,之後做Low Cost Cosplay然後去人地個event扮有份,之後就會拎住D相,再去日本度搵生意。唔知佢第時見到小丸子有翻版,又會唔會痛心疾首呢?

畢竟呢,隨緣認識既日本PR都好蠢既,所以好多時都會信呢D人。

 

至於呢單野會搞成點?冇咩既,講真,佢做野核突唔係第一日知,你睇佢上次點樣搞小丸子單野就知啦。隨緣D朋友,而家日日追睇奧運令仔,都唔會得閒理佢。只不過係,各位商場公關,真係小心D七八線暗星,搞cheap晒自己個場就唔好啦。

 

作者:隨緣

八十後公關公司小卒一名,渴望有一天,只是有人按讚,我就會飽。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 140014
Date: 2016-08-10 00:36:08
Generated at: 2021-07-27 17:19:18
Permalink: https://www.vjmedia.com.hk/articles/2016/08/10/140014/不請自來王小強,淘寶「聖衣」cheap-cosplay-嚇親真公關