【真人真事】蒜蓉汁雜扒飯

 

是咁的,今日打電話落茶記嗌外賣,咁都係炒粉麵飯嗰啲啦,躊躇間見到有「雜扒飯」,滿足晒樣樣貪心嘅我於是試試,結果帶來了非一般的衝擊……

咁由落單講起啦,侍應話有黑椒同燒汁。你知啦黑椒汁有啲好辣,燒汁又太頹,咁咪多口問下有冇其他選擇囉。

我:「唔該我想問下有冇蒜蓉汁?」

侍應:「蒜蓉汁?有……有有有!」

我:「好呀,咁我要蒜蓉汁啦唔該。」

話咁快,外賣蒜蓉汁雜扒飯送到。我打開飯盒,全盒飯共有一塊上等柳梅豬扒、一條美國廚師牌高級雞肉腸、一隻獨孤浪蕩的雞中翼、一塊薄過薄熙來嘅火腿,簡直係人類高級食糧。雜就夠雜喇,其實成盒飯只係得雞肉同豬肉啫,不過啲扒呢?廚師腸係廚師扒?雞中翼係扒?我屌你咩。我望住孤伶伶嘅「雜扒」,惜肉如金,把廚師腸慢嚥細嚼、將雞翼留在舌齒之間,把玩得骨披肉糜,用幻想安撫自己這盒50元的雜扒飯點得物有所值。

我夾起了火腿,紫醉金迷的燈光把它折射穿,我在透光的火腿中細想人生、思量未來,點解人類要工作?點解我要用50蚊食狗飯?點解火腿片都算扒呢?我不知道,也許食客要嚐的,正是廚師的刀功,畢竟薄如紙是很考功夫,下刀不得有誤,相信這是價值不菲的原因。

欣賞完一眾肉扒後,再望望蒜蓉汁,我屌!唔係話燒汁上面加一堆炸蒜就叫蒜蓉汁咖師傅!根本就係將汁同蒜蓉放埋一齊(圖為實拍照),師傅,溝埋一齊唔會真係做到瀨尿牛丸,唔夾就係唔夾咖,勉強無幸福。我覺得我人生好迷茫,我唔知原來咁樣都算蒜蓉汁,咁黑椒汁加兩舊蕃茄會唔會係蕃茄汁?凍檸水加兩條臭芫茜又算唔算臭茜水?

一盒飯,衝擊咗我做人嘅價值觀,我漸漸已經唔知咩係對、咩係錯。我就好似港豬,送到黎就廢事投訴,飯來咪張口囉,一啖燒汁一啖炸蒜,我開始懷疑社會的是非黑白、恩怨情愁,不用分那麼細,反正樹根也本土、鄺生亦稱神。忍得先係香港人、捱得先叫香港精神、含得先係真民主。

食到一半徐徐回想起落單時,我話:「我要蒜蓉汁啦唔該」,記得之後侍應仲問咗句:「我地仲有栗米汁喎,啱唔啱?」

真係執返身彩。

 

 

作者:潮文社

潮文社
潮文社,實錄生活百態、個人小品,以流行通俗形式表達,由社長親筆原創,亦歡迎投稿。專頁:https://www.facebook.com/9.Literature

閱讀後覺得好,請多多讚好及分享~:)

其他熱門文章

  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 【遊戲介紹】開放世界生存動作 《V Rising》多人連線與好友重建吸血鬼王國 by 五木
      「我不做人啦!JoJo!」呢句名台詞令人類開始嚮往做吸血鬼,早排進行搶先體驗嘅新作《V Risi […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 140170
Date: 2016-08-11 20:39:27
Generated at: 2022-05-24 02:12:01
Permalink: https://www.vjmedia.com.hk/articles/2016/08/11/140170/【真人真事】蒜蓉汁雜扒飯