曾經,歐洲人唔信地球係方就要被燒死

 

Supplice_des_Amauriciens

 

我鍾意研究歷史同政治以致經濟,係希望從中汲取到教訓,同埋呢樣野同科學一樣,係知識,令人類社會進步。當然,從幾千年文明睇黎,真正能夠痛改前非既可謂絕無僅有。所以依家地球仍然混亂,戰爭繼續,四處動蕩不息。

香港係好小既一個地方,但係佢真係咁岩被英國統治過。雖然,英國以佢利益既大前提去管理香港,當中不乏出賣港人既例證,但係香港係果百幾年,過得著實不壞,亦一嘗民主既滋味。依家當然就係功成身退,你死你賤。唔好忘記,英國一樣都混亂過,有內戰,皇帝都斬過頭,首相無數更替,先由帝制走向立憲甚至接近共和。依家歐都脫埋,一樣 in an orderly manner。你以為真係一朝一夕?真係因為英國人特別醒?

唔係。佢地付出左好多。要諗下君權神授係果時要點樣先可以打破?點樣廢除奴隸制?點先可以將權力下放議會?等同要承認地球係圓一樣咁難!!果陣仲有教會同王室既權力系統呢?點解唔信地球係方就要被燒死?當中有幾多人命同血汗,不足為外人道呀。大憲章以至其他國家獨立宣言,不外乎都係擁護和平人人平等同博愛,正是普世價值,正是左膠,正是 john Lennon 的 imagine,但 sorry 呢個係終點,係賠上好多人命先換到既野。係不平等時代,講呢 D 完全是徙氣的。這不是我的個人之見,這是歷史。戰爭後,所有人都想避免,才有和平。和平是寶貴,但不是必然。

香港人如果能夠醒覺,先開始走出一小步,都有排搞,可能負上極大代價,問題係能否重拾古人既獨立思考。亦多謝英國人既教育,香港人嚴重缺乏歷史政治觀,只向功利是從。歷史既關口,就睇人想繼續甘於專制下苟延殘喘,還是想掌握自己既未來,縱使可能會換來極壞既結果。所有人,今日,何黨何派,都可以講漂亮說話,而混沌亦無可避免,但最終一樣見真章,一樣會水落石出。

別忽略自己可以行使一票,係歷史既份量。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 141419
Date: 2016-08-30 06:28:56
Generated at: 2021-12-09 18:50:29
Permalink: https://www.vjmedia.com.hk/articles/2016/08/30/141419/曾經,歐洲人唔信地球係方就要被燒死