乜你信基本法?仲信永續基本法保你層樓?

基本法

 

其實真係常識。但又無人講,又唔想咁白,不如咁啦:

如果大家真係咁擔心自己層樓既估值,以致係自己既財產問題,你第一樣野根本唔係應該擔心基本法能否永續,而係擔心港元穩定既問題。第二D野我唔敢包,但係香港既聯繫匯率制度完全唔係法律所規管啦掛?基本法改與不改,資本主義是否繼續,聯繫匯率都不在此限:

第一百一十條:香港特別行政區的貨幣金融制度由法律規定。香港特別行政區政府自行制定貨幣金融政策,保障金融企業和金融市場的經營自由,並依法進行管理和監督

第一百一十三條:香港特別行政區的外匯基金,由香港特別行政區政府管理和支配,主要用於調節港元匯價

換句話說,只要政府突然痴線起上黎,聽日取消(或者以一年既時間,將強方弱方保證每日擴大一百點子之類,金管局/財政司司長絕對有權力咁做,立法會亦完全無權過問,當然強國會唔會即刻透過第二Channel 表達關注、阻撓又係另一回事)。但任何舉動都會即刻俾人speculate 係取消currency board。所以匯率制度係香港一直係超敏感問題,政府永遠都會話你聽聯繫匯率係行之有效,絕對無改變既必要。但係只要牽涉到政治既野,講到2046咁遠,你又係咪真係咁肯定?

只要一個地方既政治環境唔穩定,內亂,內戰,一個貨幣可以一夜間貶值30—40%不等,甚至變成廢紙。我俾你續到憲法又點?依家所有人既資產,都係港元資產,港元同美元掛勾,所以大家就印印腳諗住驚條鐵咩。當然啦係2008年金融海嘯,曾經有人質疑美元崩盤以致世界末日問題,但成功俾聯儲局一招無限月讀(QE)頂住左,美元不跌反升,一直強勢至第一次加息前。點解香港人呢輪去旅行去得咁過癮,係因為匯水平,點解匯水平呀,因為美元強囉!

如果美國經濟同香港經濟唔同步,同美元掛勾就無著數。Given 香港依家俾強國食得咁快,如果人仔改革行得夠快,掛落人仔唔係不可能,但呢D舉措仲唔夠嚇死人?如果一個唔該大陸有咩衣郁咁又點算?咁打死都信美帝好過啦?換句話說,一係你就求神拜佛大陸唔會支爆之餘香港咩事都無(即係現狀啦),一係你就要求大陸民主化然後走向更安定既體制同金融社會。。。咦,咁咪變番支聯會?所以幾時都話,搵個命題去攬中產支持,係選舉期係幾咁重要!

咁擔心自己層樓,買黃金囉,買石油囉。去掃希臘D樓囉。二戰時期日本換晒軍票依家每年九一八之類,都仲有人問日本政府索償添。你信法律啦。我真係信格。哈哈哈。嘩哈哈~~

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 141590
Date: 2016-09-01 12:24:24
Generated at: 2021-10-21 07:33:14
Permalink: https://www.vjmedia.com.hk/articles/2016/09/01/141590/乜你信基本法?仲信永續基本法保你層樓?