大英帝國當年點樣管治好佢咁多既殖民地?

(公有圖片)

(公有圖片)

 

大英帝國當年點樣管治好佢咁多既殖民地?聽聞當時係係英國倫敦成立左研究總部,投入大量既人員同資金,數字相當驚人,再配合大學學者,將每一個殖民地既歷史文化同民族研究得極度徹底,並且存檔備用。

又聽聞英國人早知華人/廣東人都未較著重實利同有飽飯食,人與人之間聯繫較為冷漠,考慮到香港地少而且資源較為貧瘠,但卻係接通中西既深水港,所以管治亦一直以發展經濟為要,發展成進出口貿易港,去最大程度攫取殖民地資源。而教育方面,亦刻意不著重文史哲培訓,殖民地時期華人大部份時間都得到政治既權力分配,一直到八十年代回歸呼聲先開始改變。但係即使係去到高官,仍然都只係執行既專才,並非真正既政治人才。

東拉西扯之下,我又諗起好似睇過本書講日軍侵華果陣,建立左極大既情報網,之後發現得到國軍既地圖竟然異常簡陋,索性自己搵人畫個份,相比之下DETAIL勁多,交通,人脈,要塞,關口,全部都掌握晒。再加上中國軍備遠遠差於日本,所以果陣日本輕視中國,甚至話三個月就可以滅亡中國,不無道理。

從以上兩個唔多啦硬既例子,我地亦可以見到,真正強大(過)既國家,當然行動極度高效,但亦毫不忽視情報收集同埋研究工作。

講番香港,係殖民地既冷處理下,香港人既政治意識一直都未有覺醒,甚至成功孕育出一種對香港前景不關心,我討厭政治既潛意識,一代傳一代。。就係多得鬼國重未真正了解香港咁多年來英治下既民情,不但未有因勢利導,俾D甜頭香港繼續麻醉住香港人,反而愈搞愈衰,經濟唔單止搵唔到出路,仲係呢幾年搵埋六八九黎搞亂晒成個檔攤。

於是,香港政治意識,終於覺醒,年青人本土獨立勢力抬頭。是幸運,還是不幸?

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 141689
Date: 2016-09-02 18:05:09
Generated at: 2021-12-09 19:23:52
Permalink: https://www.vjmedia.com.hk/articles/2016/09/02/141689/大英帝國當年點樣管治好佢咁多既殖民地?