陳雲宣佈引退——係得佢同黃毓民我先見到「政治家」呢股氣勢

1

 

陳雲宣佈引退。

我知身邊好多人都唔鍾意佢,成日講神神佛佛,又天打雷劈,又上帝皇天,好多人都當佢只係一個痴線佬咁看待,不時恥笑佢啲「未食藥」時講嘅神怪野,又將退聯同反網絡廿三條等事情攬曬上身。講真,以前我仲係左膠嗰時都憎過佢一排,但慢慢讀嘅書多左,聽過嘅事亦多左,我慢慢改變左對呢個人嘅睇法。

首先我唔係城邦派/雲粉/熱普城支持者,呢點識開我嘅都知,但我覺得陳雲嘅程度係去到即使你同佢政見或者思想唔同,甚至敵對相反,都好應該視呢個人係良師而尊重之,我會視為前輩,字字認真參讀嘅中年人亦只有佢。因為佢嘅學識同經驗足以支持佢喺過去幾年間講出唔少今日成真嘅預言/推論。而睇返云云論述之中,亦只有城邦論係比較有大局嘅視野,顧及左香港擁有獨立地位如同自處,避免成為受美國操縱嘅fail state等等思想。

而陳雲呢個人之所以得罪人多,好多時都係佢講野言辭會用更加激烈更粗卑鄙嘅方式去警示世人:「中國式陰道」曾經引起無數「知識分子」討伐,指其侮辱女性,但事實上由八十年代到依家,你隨便問個香港人「一個後生大陸妹嫁俾香港老柴為乜?」,大家都會斬釘截鐵同你講為左錢,而大家身邊都一定會識人係娶左個大陸女人後輕則家不成家,重則層樓都冇埋,呢啲事耳熟能詳,仲普遍過傷風感冒,大家就係因為個「道德仁義」就無視曬呢啲自己心中其實一直相信嘅事實,就好似左膠咁,其實咪就係自己呃自己。係啊,佢講野係極唔尊重,父權,有時市井,仲有啲仆街,但佢講嘅係事實,講左一啲你難以宣之於口嘅仇恨出嚟。出於超我,出於社教化培養嘅道德,你會屌,但問心,十個有九個咁其實係認同,講咩「佢可以用個尊重啲嘅態度表達」啫,你見佢講得出自己出左名冇得叫雞,就知呢個人比你班口講「性工作是工作」嘅知識分子更坦蕩蕩,唔興塗脂抹粉。

陳雲有次講香港人唔反抗,最終會受盡中國入侵者嘅屈辱,「香港女人會被強姦,然後懷住敵人的孩子,羞恥地度過一生」,我見到某啲左膠好大反應,身邊啲抱持「知識分子道德忴持」嘅學者更加屌屌共。我想講,呢種事情歷史上不斷發生,強姦同殺人本來就係戰爭一部分,戰爭亦從來都係一件極父權,極殘酷嘅事。當年滿洲國同德國戰敗後,唔少女人都俾蘇聯紅軍強姦懷孕,男人就當你係反抗敵軍殺之,程度之廣及恐怖之度從不亞於大屠殺,但軍事法庭有處理過咩?冇,因為成王敗寇係定律,勝者,就有處置敗北嘅權力,即使唔合法佢都可以粉飾到合法。和平大愛,美好世界,鳥語花香,從來都只係權力階層吊喺平民大眾面前,欺騙佢地為自己工作生產嘅蘿蔔,呢個道理大家都唔會陌生,由細昆到我地大嘅宗教就係咁運作的。但係試問,會咁坦白同你講呢啲事情嘅政治家/學者會有邊個?周保松劉小麗?佢地仲係宣傳緊,或者自己信埋權力階級勞役大眾嘅美好世界呢!

我從來都唔係一個聽天由命嘅人,唔相信命運,自信我命由我不由天,但見到一直一語成讖嘅阿雲預言香港必亡,我真係好心噏,稍有意興欄柵,我寧願佢係鬥氣,好似佢啲「落地獄」咁。但我知佢講得出,仲要收埋山,就唔慌係發悔氣。曾經有朋友講過,如果你有機會投票俾佢係你嘅榮幸,係你嘅福份,呢點我同意,因為縱觀香港,係得佢同黃毓民我先見到「政治家」呢股氣勢,而且佢比起黃仲更加宏觀老練。但出於我最我土生土長地方嘅愛,我唔想放棄。或者咁講,我係一個死唔眼閉都要睇住結局嘅人,我唔只希望我睇到佢大錯特錯,我仲想推翻佢講嘅一切,拆佢棚牙。一次過冇左黃毓民,冇左陳雲,單從政見相反咁睇你可以會好開心,開心到要燒炮仗。但唔好唔記得,當年陳巧文遠走高飛時,好多今日後悔嘅人亦都係笑住落井下石的。

選舉完,大家灰到有個句講個句,互片互屌就在所難免架啦,如果你係覺得我都係癲嘅,要 unfriend我要屌鳩我都阻你唔到。不過喺呢片本土派敗北嘅頹垣敗瓦之中,我覺得一樣野,唔好因為皮肉之傷而依依哦哦,會顯得比較有氣度,亦都容易啲好返。

 

作者:亂臣賊子

亂臣賊子

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 141898
Date: 2016-09-07 04:07:39
Generated at: 2020-03-30 05:59:15
Permalink: https://www.vjmedia.com.hk/articles/2016/09/07/141898/陳雲宣佈引退-係得佢同黃毓民我先見到「政治