立法會分析——九西黃毓民輸在老定

 

黃毓民

 

九龍西既數據。其實傳統泛民係咪真係仲係咁樂觀,我就睇唔到。

投票率高左,投票人數多左,但係公民黨,民主黨,黃毓民同民協係全線下跌。黃毓民之所以輸,係因為佢流失既票最多。

另一方面,投票人數多左,唔單止只係益非建制派。兩個係網上俾人鬧到一文不值既蔣議員同梁議員,不單守住自己基本盤,而且亦開拓左新天新地。問你驚唔驚?

 

 

係,的確,你可以賴人地繼續有中聯辦發功配票,但數字係咁,係咪就咁坐以待斃?又一句香港愈黎愈多港豬/老人就算?其中梁美芬既得票多左好多,尤其係土瓜灣一帶。

好喇,跟住黎到戲玉喇。黃毓民輸係邊個度?個個都話關游BB事。但第一,我唔明點解社民連既吳文遠其實食左足足七千票,就無人話佢。講政治光譜,點都係佢地兩個似少少啦掛?話晒都徒子徒孫?

OK,吳文遠我都唔提。七千票先掟落海(仲有狄志遠果萬三票!萬三!!),齋睇佢毓民自己,上次既得票係第二,僅次於民建聯,而且佢得票率極度平均,無話咩票倉,如果真係要講,我會選擇深水埗呢個老人區。因為佢好幾個排名都係頭三位,有D甚至係第一添。

難怪佢會坐定粒六,因為多左席,加上民協弱勢,照計無可能輸。但佢今次足足無左一萬八千票。而今次呢D老人區既票,大部份都已經去左劉小麗之手。劉小麗總數有四萬票,你可以話係由泛民+黃毓民度過過黎又得,係新選民走出黎投佢又得。

至於游BB,我覺得佢真係贏得符碌。我暫時無足夠數據去分如果真係有本來投黃既人,今次投去劉同游既比率各自係幾多。但齋睇餅既大細,劉小麗一定拎多游BB好多好多。再睇黃毓民咁多個票站全線下跌,我更相信唔好賴人,佢真係輸自己太老定。

而更值得警惕既係,個個話黃埔係游BB既地頭,但其實入面無一個投票站既選票,係比劉小麗多。究竟當中出現咩事,我覺得青年新政要盡快忘記勝利,檢討當中地區工作既得失。

其實縱觀而言,傳統泛民/老牌議員票數下跌,新選民主要投係本土/新非建制獨立,係不爭事實。至於建制派,人地守到,加到票,你地喊都無謂。

地區工作,民協本來係深水埗是無得輸。依家八年間,區議會立法會全部慢慢打散晒。票源流向民建聯同埋新人。反而,油尖旺係民建聯既地區龍頭,人地繼續就愈拎愈勁。地區工作,所謂樁腳,都有好壞之分。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 141915
Date: 2016-09-07 13:17:35
Generated at: 2021-12-09 19:04:02
Permalink: https://www.vjmedia.com.hk/articles/2016/09/07/141915/立法會分析-九西黃毓民輸在老定