政府三巨頭係七百萬香港人面前示範咩叫土崩離析

一五至一六財政預算網站圖片

一五至一六財政預算網站圖片

 

1。六八九既新聞稿係晚上六點半發出,鬍鬚曾所謂既財政司司長辦公室發言人即時回應查詢時指出,都大概係八點幾九點咁上下。兩者相隔不夠兩小時。如果無高層指示,絕無可能有如此飛速既回應。

2。咁樣隔空開火,而且係如此地明刀明槍,應該都差唔多接近史無前例。

3。留意六八九既新聞稿已經係新聞公報到登出,但係相反鬍鬚曾仍然未見上載,只係見於其他即時新聞網站。係新聞處(直屬六八九)專登按住不發,定係財爺完全覺得膠都費事俾,無咁既必要?

4。六八九既新聞稿極度長篇大論,而且唔單係財爺係連林鄭都拖埋落水。簡單講即係有嫌疑選特首既全部都中箭。相反,鬍鬚曾既回應則極為簡短,大有四兩撥千斤既意味。

5。有人揣測,事件彰顯六八九已經係窮途末路。十月已經就快到,基本上國慶一完上面應該一定有指示邊個可以出黎跑。所以依家真係係時候做所有敵人既世界。但問題係,咁樣做,係咪真係會扣到血?定係自己自殺?大部份人既結論都係覺得會適得其反。

6。六八九應該仲有其他野(例如大絕)想慢慢出,依家先係開始。

7。可以想像,上面有上面權鬥,下面有下面拳打腳踢。究竟鬍鬚會唔會頂得住,定係會好似上次唐唐咁俾人強行拖下馬,大家可以拭目以待。

8。花生指數已經爆升至歷史新高。會唔會有更多人出黎爆料呢?相信一定會,尤其是一眾疑似造王者應該會係度不斷揖揖樣樣。

 

(以上睇過就算,本人不代表本人立場。友人不代表友人立場。如有類同,實屬平行世界。)

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 142639
Date: 2016-09-19 23:59:19
Generated at: 2021-12-05 07:53:12
Permalink: https://www.vjmedia.com.hk/articles/2016/09/19/142639/政府三巨頭係七百萬香港人面前示範咩叫土崩離析