妳男友唔係M 到或者更年期,只係銀魂就快完所以無心情

 

寫給一堆毒男既女朋友/伴侶們:

可能呢一兩日,你地會理解唔到點解你地條仔突然間唉聲嘆氣,有種不安又有種浮躁。想發脾氣但問佢地又唔係好想講。甚至連出動到無敵咒語:喂不如我地黎囉,佢地都竟然話無心情呀,第日先再算啦。呢種好似黎M既咁既感覺,過往可能從來你地都無見識過。無錯,所以我特地要寫篇文,話你地知點解。

因為,銀魂就快完。

下,你話唔拎係呀?銀魂就快連載完啫,駛唔駛世界末日呀?全職獵人再次休刊,都無咁嚴重啦。更何況既係,火影滾樣,死神都叫經經地典都完左啦,佢地都無事喎?點解銀魂反而會要呼天搶地?

因為銀魂係特別的。

坦白講,要用三言兩語,根本無辦法可以歸納到銀魂有幾好睇。但係睇過既就會知道,鍾意得銀魂既FANS,必然會係死忠。銀魂必然又會成為JUMP既名人堂中既其中一個經典。JUMP係講青春,熱血,友情,銀魂當然唔會例外,但係佢更多其他連載做唔到既元素,仲有好多好多,包括(但不止以下)。

惡搞笑到唔單止有腹肌甚至幾乎窒息而死。
描寫日常果陣和諧同淡淡既活潑小生意氣。
對世界政治既果種一矢中的嘲諷無比犀利。
長篇對鋪排既果種起承轉合同埋曲折離奇。
繪畫出每個人物特色有英氣有傻氣同傲氣。
明知濫發煽情都睇到心又喊又笑又悲又喜。。。

等等等等。。。

仲有太多太多。銀魂好多時候都係笑,但係笑中亦有淚,有令人激動人心既打鬥場面,亦都有千古不變既人生道理。銀魂咁多話寫落黎,包羅萬有,從現實生活,到動漫世界,都自有佢一番體會同反映,再三咀嚼之下,簡直就係一本二次元至三次元既維基百科全書。

毫無疑問,空知英秋,可以係集百家之大成底下不失個性同創造力,畫功亦從來未見有所退步或者偷懶(除左某幾話特殊需要外),如果富奸係天才中既天才,咁空知大猩猩一定就係鬼才中既鬼才!

每個人都會有佢鍾意既銀魂篇章。依家只係衷心咁希望,佢可以俾到一個圓圓滿滿既結局俾大家。令到大家由青年人變成成年人甚至暮年,呢十三年既歲月入面,都覺得自己追過銀魂,有佢、新八同埋神樂以至好多好多其他角色……陪伴住咁多起起跌跌,人生不枉。

『健他媽真的很有趣哎。』

 

(註:鍾意銀魂既女士們,可以自由將上款改成寫給一堆腐女既男朋友們,然後自行轉換性別即可。)

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 142758
Date: 2016-09-22 19:57:16
Generated at: 2021-10-21 05:59:54
Permalink: https://www.vjmedia.com.hk/articles/2016/09/22/142758/妳男友唔係m-到或者更年期,只係銀魂就快完所以無