其實民政處個網都話曬俾大家知新來港人士住邊度多架啦？

其實要搵Ｄ新移民既統計數字出黎揚揚下，唔一定要用２０１１既數咁泥古架。上網ＧＯＯＧＬＥ左一陣，原，來，你，可，以，上民政事務署個網站！人地有講架，我都係照抄架渣：

『自一九九六年起，民政事務總署在人事登記處-九龍分處向申領身份證的抵港未足一年的十一歲及以上內地新來港人士進行統計調查，以找出他們的服務需求及現況。此外，入境事務處亦在羅湖邊境出入境管制站設有數據搜集機制向所有持單程通行證首次抵港的人士搜集他們的人口及社會特徵。

由二零零二年第三季起，兩個統計調查收集的資料結果經分析及整理後，會定期以季度報告的形式載列於一個報告內並分發給各有關的政府部門及非政府機構，協助他們在計劃新來港人士服務的時候掌握更多有用的資料。

最近幾期的報告已經載於此網頁上，供有興趣參考的人士瀏覽。』

大家都係統計數字，起碼有２０１６年第一季先啦！係入境處到再抽黎問，點都好過你統計處咁迂迴做ＳＵＲＶＥＹ掛？睇落都有七成幾回應率，都可以呃得到下人喎？咁即刻去片睇下究竟２０１５年全年既新移民有咩主要既特徵同埋有咩需要啦。草草畫左幾張圖，觀察如下：

１。２０１５年有３萬幾人落左黎，當中大部份都係女性。至於肯接受訪問既人入面，佢地都好坦白咁講

２。佢地有接近７成人都話要人地幫

３。而叫佢地揀有咩想幫，最多（接近一半）話係要申請公屋

４。佢地有八成半既人會同屋企人一齊住

５。佢地有七成既人係同屋企人一齊租間屋

６。而至於間屋係咩屋，５４％既人話係公屋。

（點解唔係零！！盤數一定有問題！！！！）

Ｄ數睇落好合理呀（我係凡人我係識睇呢Ｄ架渣），我真係唔知係咪有幾間公屋落左符可以突然間０％新移民咁盞。

某學者在一些所謂主流網媒發表文章，認為一些公屋不存在任何新移民居住，鬧出笑話。

其實，智商稍高的，即使沒有那些舊得幾乎發臭的所謂數據在手，也不難了解到現在香港的人口居住情況。

單程證配額每天一百五十個，即使沒有用盡，來港的新移民簡單去估算，一年就已經多達四萬至五萬多人，暴政實施了十數年，當中牽涉的人口已經接近一百萬。而別忘記，現在香港的總人口只有七百多萬而已。那麼多年，當中當然有很多流進流出，亦有可能是新移民受不了自己跑掉了的，不容易求得精確數字。但有十多二十個百分比，仍不足為奇。而稍有常識的亦知道，香港的樓宇數目，私樓一半，其餘的公屋居屋等是另外一半。那麼，新移民不住在公屋，難道住在難民營麼？

這不需要甚麼博士學位，只要一點點的common sense，加少許的邏輯和四則運算，已經不難得出以上的合理推斷。而有人竟然覺得數字是零，更即時呼天搶地，猶如中彩票般發現新大陸，奔走相告，不禁讓人懷疑他的智商，是否亦相當接近這個數字？這其實不太好笑。在香港經常發生這些事，亦已見怪不怪。難怪管數的財爺，看到經常顛倒是非黑白的粉人，也按捺不住，眉關一怒，嘴角微微向上一翹。我相信他當時無非想說：

Can you shut the fuck up?

作者：鵝鑾鼻燈塔

前高登講故人。現為廢中。努力抵抗中年危機中。FB PAGE：https://www.facebook.com/Ellan.Ou/

閱讀後覺得好，請多多讚好及分享～：）