Deadline Fighter 唔一定廢,但好煩

(photo via cc Fllckr user Francisco Osorio)

(photo via cc Fllckr user Francisco Osorio)

 

筆者大學四年生涯入面,可以話見盡學生做group project既百態。有同學會太過認真、有同學會太過獨裁、有同學會咩都唔做、有同學會最後一刻先做。無數人因為group project而相識,成為大學知己,又有人因group project而鬧番,成為陌路人。但group project入面最怕一種人就係deadline Fighter,佢地既功力可以令到你臨present前都會食唔安訓唔落。

deadline Fighter係唔係廢呢?咁又未必,佢地有時都會好高分,或者每次都唔會低分,因為佢地臨交功課之前果幾日先做,所以有一股破斧沉舟既決心,只許成功就不許失敗,因為做唔哂份功課就玩撚完。呢班人唔會做功課果時死磨爛磨,佢地知道自己唔可以再浪費時間。佢地既效率或者點都好過一班攤長慢慢做既人,佢地做下又分心做下又分心,未必交到好貨仔。

但問題就黎啦,依家唔係講緊個人功課,你自己既功課我理得你地幾時做?你唔交都唔會關我事,但最大問題係大學唔係單細胞生活,仲有一樣野叫做group project,每個組員都要各自做自己果部份再統合,變相大家交貨既時間就好重要,你一遲左交,執格式同埋文筆既同學仔就會做唔切,或者係到通頂死埋比你,冇理由你自己遲交,都要人地陪埋你通頂唔訓架?

如果遇著水平一般既deadline Fighter,做野又差,又死都唔肯交貨既,我就真係寧願要個free rider。因為我都有心理準備係要幫佢執手尾,所以點都會分最簡單果part比佢做,就算佢亂9咁黎或者係晏交,我都有時間或者唔使花咁多心機幫佢執。有時候deadline Fighter做野既模式就係同普通人唔一樣,因為人人都有唔同既project,所以一般都唔會最後果刻先做,大家一有時間就做左先,費時到時大家要搞其他野唔得閒做,但死線戰士往往就會笑你班友神咁早開始做,太早做好似唔著數,或者浪費自己寶貴既時間。到交果時呢就最後一刻先交,但自己唔係做收尾果個,變相煩到其他同學仔。

如果話佢地呢,又怕傷和氣,因為佢起碼有交,你吹佢唔漲,佢可以話自己慣左咁做野,大條道理話自己交到貨就冇問題。唔話佢呢?佢就更加認為自己係冇問題,唔會放我地在眼內,去到呢個情況就真係左右做人難。但諗深一層,大家可能會認為筆者係到無的放矢,無病呻吟,但社會上,往往就係就要互相遷就,如果要成組4個組員遷就另外既人,咁樣真係公平咩?提早做,真係有唔好咩?同學仔最好一分組果時就講清楚,唔好一開始話好好好,之後約出黎就唔見人,下下打人情牌要人地同你一組,咁樣只會令自己無面,比人係背後到笑。

做人就唔可以咁自私,唔係話交完就算,咁樣做同班mk仔唔用套,搞大人地個肚之後話唔關自己事有咩分別? 大家都係顧住自己,唔理自己做完野既後果。

老老實實,deadline fighter唔一定係廢,但真係好煩,由你一叫佢快d交貨果刻,就注定前世係欠左佢。deadline fighter可以做既,就真係自己企出黎話要包底收尾,自己夜車就自己開,唔好搞到其他同學仔,畢竟唔係人人都係deadline fighter。

 

作者:筆知所謂

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 143452
Date: 2016-10-08 18:37:27
Generated at: 2022-12-03 07:51:28
Permalink: https://www.vjmedia.com.hk/articles/2016/10/08/143452/deadline-fighter-唔一定廢,但好煩