每次我聽到「第時希望結婚果陣簡簡單單就得」都會但笑不語

(photo via cc Flicrk user Samyuen1)

(photo via cc Flicrk user Samyuen1)

 

每當一聽到有人講:『我同我女/男朋友傾掂數架啦,第時希望結婚果陣簡簡單單就得,唔駛太多花費既。溫溫馨馨,同三五知己食下就得啦。』既時候,所有受過呢種苦,然後回首已經是百年身既過來人,堅架,都會但笑不語。

少年,你真的是太年輕了。

坦白講,其實愚昧既人類社會最怕就係四個字:人言可畏。一加一等於幾多,你答二。一個人覺得你做錯,無事。十個人覺得你做錯,有些少不安,但仍然有信心。一百個人話你做錯,死喇,一加一係咪真係等於二?到一萬人話你做錯,SORRY,你根本就係錯,因為一加一依家其實等於三。文化大革命其實最可怖之處係乜,並唔單止係武鬥,而係文鬥。當日日都有人針對你同你講同一樣野,除左戰神之外,你再鐵石心腸,都開始會痴線。

呢個就係Social norm 既可怕之處。魯迅話禮教吃人,佢唔係錯晒。依家只係有更多樣野都會食人咁解。婚禮亦只係其中一樣。

正式開始寫呢個系列前,首先都要再強調多次,呢篇文唔係想針對任何人,而係想針對整個已經真心痴左線既風氣。而更痴線既係,有D人仍然認為係今時今日洗少少錢,鋪張少少,搞一個人生只得一次既婚禮,係正常,係最低Grade 而且係無可厚非既。係,依家講緊果少少錢,係平均數緊港紙三四十萬。當好多人都係度呻窮,拎唔出過百個俾唔起首期無屋住果陣,唔知點解婚禮仍然可以一屈三四十皮,接近上車盤既首期一半,又覺得『正常啦』、『差唔多啦』。整件事,慘過鋤D俾人四炒。

而且,亦都記住,當你一意外踏入港式婚禮果一刻,你就會聽到「人生只得一次」呢句外掛上萬次,咩人都會同你講。識既又講,唔識既又講。每聽到一次,你就要自己被打劫,科水一次,屢應不爽。

當然我希望寫呢個系列,係可以最好拖垮成個港式婚禮,化繁為簡,大家真係可以搞得開開心心溫溫馨馨,留番有用既錢,唔好再浪費(諗多左)。但應該好快就會有網上人士口誅筆伐,又話業界已經好差,經濟又低迷,炒晒堆人失業率又會上升等等。所以如果大家想我繼續將呢個系列無限申延落去,俾個讚又好些牙又好,都唔會好花你時間。

好喇。下一篇講咩呢?講婚禮飲宴?痴線,有排都未到。

依家先岩岩魔戒首部曲第一場渣。

 

【港式婚禮新郎喊苦喊忽自己知】

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 144019
Date: 2016-10-17 14:02:52
Generated at: 2021-10-28 02:40:32
Permalink: https://www.vjmedia.com.hk/articles/2016/10/17/144019/每次我聽到「第時希望結婚果陣簡簡單單就得」都