當國王的新衣遇上真•哥斯拉

政治 / 最新文章綜覽

立法會 宣誓 DEREKYUNG 攝

 

呢排啲石頭亂飛亂掟,花生又賣都斷市,毛定石就坐埋一邊。不過,毛定石就唔係睇戲食花生,而係見到香港人嘅越來越低,真係去到唔不欲觀之嘅水平,所以係忍咗成個月之後,再出嚟掟石。

你會問:點解個題目同「國王的新衣」有關?其實,香港嘅現況,就係國王的新衣。我意思係香港唔少黃絲同藍絲所相信嘅基本法,其實就只係國王的新衣,用嚟自欺欺人。過去19年嚟,香港面對嘅係中共無情嘅打壓,每日嘅殖民,仲要用香港人嘅稅收去養殖民。建制班冚XX,當然覺得無問題,因為主子要我哋哽,又點可以唔哽;而泛民自己亦係大愛上身,以為香港有金剛不壞之身,係會無限生金蛋嘅鵝,唔會有事,結果就係變成淘空庫房。不過,最重要係,大家陶醉於一國兩制呢件「國王的新衣」。

當青政兩個年輕議員帶張「Hong Kong is NOT China」嘅banner去宣誓,再左叫一句Fucking(註:美國電檢署做過ruling,話fucking用作形容詞唔算係粗口,而用作動詞就係粗口),右叫一句Chi-Na,當然係會打爛好多玻璃心。喺呢度,我巡例抽吓水,奉勸兩位尊貴嘅議員唔好被啲人覺得你咁爛口(雖然好多人連形容詞同動詞都未識分,尤其係啲喺野雞大學讀學士、碩士同博士嘅立法會同僚及香港同胞),廢事被人有位入。不過最重要係,兩位議員做咗呢件事之後,就好似「國王的新衣」入面個細路一樣,踢爆咗一國兩制呢件「國王的新衣」,原來喺行政霸權同埋中共淫威底下,係有等於無。1997年7月1日起,已經唔存在。

如果大家記得「國王的新衣」嘅結局,就係國王好尷尬咁明知自己裸體,都要扮到若無其事咁行入皇宮。好不幸,今次穿著呢件「國王的新衣」嘅唔係一位仲識體面嘅國王,而係一班自以為是嘅黃絲同藍絲,班人當然會興奮地起身掟石啦….你踢爆咗佢自以為等同 A.T. Field 嘅「國王的新衣」喺無料到,你叫佢點面對自己?!

當然,黃絲同藍絲都會話:你班死仔,做乜整醒中共/土共呢隻真•哥斯拉,會死人㗎。無咗「一國兩制」幻想,中共直接反面,香港會被呢隻真•哥斯拉啲死光射到渣到無。

係呀!我記得真•歌斯拉入面,隻嘢發難渣之後就射死光,隻載住成個日本政府高層嘅直昇機被佢一野打咗落嚟添。不過,你又唔好唔記得最後只要大家齊心,係會搵到方法去冷凍隻真•歌斯拉,而無需要用核彈去同佢同歸於盡嘅。

至於點去冷凍隻真•歌斯拉,毛定石就先賣個關子,下次先講。

By the way,石原さとみ又真係好靚。

 

作者:毛定石

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 144411
Date: 2016-10-22 18:45:41
Generated at: 2021-06-14 10:01:20
Permalink: https://www.vjmedia.com.hk/articles/2016/10/22/144411/當國王的新衣遇上真•哥斯拉