老老實實,老婆開到口叫你不如食軟飯,邊個男人會唔感動?

(photo via cc Flickr user John Herschell)

(photo via cc Flickr user John Herschell)

 

老老實實,老婆開到口叫你不如食軟飯,邊個男人會唔感動?(或者羞愧:你真係廢成咁不如唔做等我養你好過啦。。。LOL)雖然佢都應該只係見我辛苦隨便講下,到我話好哇果陣佢99.99%會秒回一句你就想衰佬,發少陣夢啦。但係不論點睇,呢個都係一種另類既鼓勵,令人一下子充滿OT力量(!?)

唔駛做,食軟飯,諗下都覺得香噴噴咁一定好開心。尤其是依家世代鼓吹男女平等,我自己都覺得係屋企做印傭(印印腳個隻)都會勝任有餘,係一D問題都無架啵,到時24小時轟炸FB,不出三個月個個都要禁See Less Ellan Ou。之但係,社會既野,又會突然調轉槍頭話男人無出息之類。其實話我都無咩所謂,但到時又自然有老婆D人同佢講:嘩咩你老公咁架,要你係度捱生捱死自己係度歎世界。到頭來又煩到唔止我一個(同搞結婚一樣)。所以雖然計劃聽起黎好好,但做就會發現做唔到。你會幾個月後就被定義做窩囊廢,然後永世不得超生,係慘過係議事堂講齊拿。

而且調番轉頭講,真係愛老婆,又點捨得佢自己一個出面搏殺?女朋友同老婆真係唔同。老婆對成世,真係要拎黎錫,唔係講笑。結婚好多儀式雖然都好超級無聊,而且無大意義,但係愛的宣言既然講左,都唔係真係下巴輕輕,講下就算。話長期飯票就長期飯票,話養你一世就係一世。總之軟飯既野,暫時棚牙未甩晒,就未洗食住,正如有網友話:夫復何求?又俾我盲目崇拜阿邊個,得此嬌妻,OT多廿幾個鐘,濕濕碎啦。膝頭既大門隨時為玻璃而開~~

正,又就快月尾出糧。係未搵到寫文發達之路(我寫左十幾年唔見有LOL)之前,都係係OFFICE捱住騾仔先算罷啦。唔係咩男神,有時做人都無咩要求,對得住自己對得住人就夠,愛老婆等同愛國,永在心~~

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 144547
Date: 2016-10-25 01:19:32
Generated at: 2021-10-21 07:46:01
Permalink: https://www.vjmedia.com.hk/articles/2016/10/25/144547/老老實實,老婆開到口叫你不如食軟飯,邊個男人