手機漏咗喺的士,好心嘅的士大哥當然幫你送去先達。

 

昨晚凌晨四點留低咗部手機喺一架由太子返屯門良景嘅的士,咁我當然用盡所有方法打電話返去call台問返架的士大哥去咗邊。
點知當我打去call台,呢一位的士大哥答我咩呢?
的士大哥一:「我乜都唔知㗎,你聽晚五點前再打嚟搵啦!」
我:「屌你等到聽晚唔撚見咗啦!」
佢:「我真係乜都唔知㗎!」
我:「屌你咁問你支唔支持港獨你知唔撚知呀?」
講完我就收咗佢線,諗住試吓打去其他台,先知原來佢哋有報失熱線,點知當我打去24502288,佢就話佢哋係新界線,佢叫我打去27600455紅的台,點知打到去原來只係叫車,最後打去1872920先成功搵到個職員mark低資料,不過可惜的是,當我再打去自己手機,電話已經唔通,相信佢今朝早已經好安全咁去到某個先達嘅手機鋪頭上。

係嘅,一定有人會話我自己唔小心,又會問我做咩唔立即上網搵,聽完呢個故仔都會覺得只係我一個濕鳩控訴,但你哋知唔知早早政府ban鳩咗嘅Uber點樣做到user friendly?每次叫完車你都會知道個司機係咩樣車牌係咩,咁你當然話的士都係咁啦,但唔好意思,你睇到佢哋嘅樣,咁係代表佢哋已經登記咗uber司機,uber公司隨時可以幫你搵返佢出嚟,但漏咗電話點算?你可以上返uber個網,只要登入返自己戶口,有哂行車路線同行車資料,除非個司機為咗賺你部手機錢以後唔撈,如果唔係佢十之有九點都要拎返部機俾你。

所以你哋明唔明的士佬嘅call台,甚至成個的士行業,都唔係用家優先而係方便員工搵錢接單,車你一程就大哂㗎喇,其餘嘢閣下自理喇,你哋唔見嘢自己搞掂喇,最多幫你叫吓台啦,個司機貪唔貪心我都預計唔到㗎。

可能大家冇留意,其實的士早於1920年就出現喺香港,但技術服務就仍然停留咗喺冇電腦用嘅八十年代就冇再進步過,有咩只能打電話,雖話的士唔同車行有唔同做法,但唯獨一樣嘅係即使你依家有call的士嘅apps出現,佢嘅功能大多都只係停留係搵車方面,即係咩?做呢行嘅人根本冇時間理會每一個上佢哋車嘅乘客,佢哋只會諗點樣可以快啲接到下一張單,就算有失物佢哋唔貪,下手乘客拎咗,佢哋都唔需要負任何責任。

一定有人話你自己都唔小心啦,但我真係唔明uber呢個咁有系統嘅做法,就算你香港政府唔引入uber,係咪都應該改善的士嘅系統呢?唔再係用電話操作,所有的士佬都有哂登記有哂gps,搵返走咗架車唔再係大海撈針,亦唔洗咁難去放蛇捉的士佬濫收車費,乘客睇返行車資訊就可以,有單有據send 去你email,保障嘅係司機同乘客。

不過就算政府整一個系統出嚟又如何?假如唔係強制性,又有幾多個四五十歲嘅的士佬肯去搞?唔係搞到佢哋飯碗,佢哋情願買多場馬都唔得閒理你,邊有咁多黃絲的藍絲的之分?就正如uber都有叫的士加入佢哋,但因為uber係收車程而唔係同的士計引擎,兜路又可以俾客投訴,仲冇得揀客,所以uber依家都取消的士選項,點解?自己諗吓。

你可能會覺得我係度賣廣告,但係你細心諗吓,一個日值老化跟唔上時代進步嘅一個行業,佢哋唔同巴士小巴,冇班次冇站長幫你跟,大獲講句,如果有個的士佬車個女人入山想強姦佢,冇人知佢上咩車,我諗都幾難查,不過冇計啦,你哋偉大嘅香港政府要趕走uber,只能講句,愛惜生命呀各位,我呢,以後唔係就死都唔會再搭的士。

咁當然就死應該都call白車。

 


 

《我唔係良景少女,我只係香港廢青》現已於香港、澳門各大書局有售!!!
屯門天水圍商務,屯門友愛大眾,元朗三聯都有得買,各位良景之友,希望多多支持!!!

 

作者:Sunshine

Sunshine
無限的宇宙裡,人和物質的山,水,遠村,雲樹,又如何比得起?然而人的思想可以超越到太空裡去,它們卻永遠只在地面上。《山中雜感》--冰心 FB PAGE: 陽光燦爛的 Sunshine

閱讀後覺得好,請多多讚好及分享~:)

其他熱門文章

  • 【遊戲新聞】新 PS Plus 訂閱服務推出 要補差價兼無訂閱期揀引起爭議 by 滅盡殺手
    有見微軟推出嘅 Xbox Game Pass 大受歡迎,Sony 亦都緊接推出自家嘅訂閱服務,亦即係今日正式上 […]…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 144795
Date: 2016-10-27 19:55:59
Generated at: 2022-05-26 07:27:00
Permalink: https://www.vjmedia.com.hk/articles/2016/10/27/144795/手機漏咗喺的士,好心嘅的士大哥當然幫你送去先