【政治現實】你要記住,港島區既票后,係葉劉。

(photo via cc Flickr user Ding Yuin Shan)

(photo via cc Flickr user Ding Yuin Shan)

 

好多人都會問:面對依家既局面,我地仲可以做D乜?

如果你唔係自以為與眾不同,或者毫無後顧之憂,想用自己雙手,去開創一番事業,你其實的確係無野可以做。我已經不止一次指出:我地呢度有一座寶山,雖然時下年青人無得分,卻係好多上位人士既利之所在,包括所謂既中產,富豪,甚至係南下既各種各樣做世界既游資,黎至世界各地既外資等等。港元存款、物業,各種各樣既資產,可以按照遊戲規則繼續操作,一切就可以相安無事。

最緊要你唔好釋法釋到我層樓都無埋。係無好處既情況下,上面係唔會有人咁做,等於唔會突然有人宣布港元匯率突然自由浮動,係一樣。你有無幻想過如果自己出份糧突然得番本來既十分之一會點?然後自己住緊層樓每日都跌五個%唔知跌到幾時?咁先至係真正既天下大亂。咁至會變成政局既極度不穩。依家DQ左幾位佢地眼中既小學雞,係踐踏左好多人既投票意願,但你要記住,港島區既票后,係葉劉。而佢係第一件事出黎講釋法都無咩所謂。無人會因此揭竿而起。

果陣讀書講咩山外青山樓外樓,會覺得痴線,打到黎都仲歌舞昇平。但其實世事既野,就係咁,針未拮到肉唶。你要唔俾無力感所吞噬,仲要努力咁裝備自己,平時HEAHEA下,到迫到埋身就可以好似銀時咁再白夜叉上身,武士之魂破鞘而出,唔單止要有修為,亦要智勇雙全。無人知往後會發生咩事,到你生活到某一刻,又再經歷有強權無公理既無比痛苦,當你,同身邊其他既人,連做港豬都無埋出路,到時大眾就會自然再有選擇。

連最佳時機雨傘運動,都可以失敗。我唔覺得仲有咩情況可以灰D。千祈唔好覺得頹喪。因為黎到依家呢個局面,亦唔係你既錯。亦都唔需要將自己想得太過偉大。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 145514
Date: 2016-11-07 14:53:40
Generated at: 2021-10-28 02:46:21
Permalink: https://www.vjmedia.com.hk/articles/2016/11/07/145514/【政治現實】你要記住,港島區既票后,係葉劉。