點解民意調查又一次錯得離譜呢?

Bernie Sanders Holds Primary Night Rally In Los Angeles Area

 

由上一次既英國脫歐,到今次特朗普當選,民調都一次又一次咁買大開細。所謂爆冷,話就話係出乎預期之外,但所謂既預期,都係單靠之前既所謂分析。根本就係之前既數據唔可以反映真正既風向。

過往我一再強調,民調毫不足信。而有關統計學角度去講既論點,點樣因抽樣BIASED而出現誤差,以至出現做出致命錯誤既結論,之前已經講得夠多。依家再搵數解數黎明去講TRUMP點樣贏,亦已經係無用,事後孔明而矣。反而今日睇到一篇分析,嘗試從社交媒體既缺憾出發,入面提供一個新既視角:

網上既流言,可以傳播得極快,有機會係投票當日產生不可預期既效果,普通人或者媒體,根本追唔切呢種左右浮離選票既暗湧。例如好似FB咁樣既演算方法,只要愈多人LIKE同些牙,就係愈係TREND UP,更加快地會係出現任何個系統覺得會關你事既NEWSFEED上面。真野係咁,假野都一樣。

大選當日/前一兩日,FB/推特就係美國果邊,曾經出現唔少流言,話如果特朗普當選,希拉莉會發動美國內戰,又或者係教宗已經正式公開支持特朗普當選,特朗普當選又會免稅一年等等,呢D聽落你可能覺得得啖笑,放上高登都唔會有人理既帖,得到既些牙同REACTION數目,卻係以十萬起錶。問你驚唔驚。

當香港FB有D人食到1、200LIKES就已經話自己係KOL果陣,或者都要反省下自己出既野,可能都係唔夠煽動煽情或者唔夠嘩眾取寵。係劣幣驅逐良幣,假幣又驅逐劣幣既資訊爆炸時代,好多根本唔Q想理政治既人,無時間深入分析,其實突然俾一個咁既謠言動搖左,做左個自以為正確既決定,真係唔係咩稀奇既事。

FB究竟到頭來,係想促進人與人之間溝通,還是更加便利謠言滿天飛,改變世界版圖呢。有道:謠言止於智者,依家再諗番起,真係。。。無言以對。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 145722
Date: 2016-11-10 15:40:09
Generated at: 2021-10-28 04:03:29
Permalink: https://www.vjmedia.com.hk/articles/2016/11/10/145722/點解民意調查又一次錯得離譜呢?