識睇《史記》一定睇埋目錄

項羽

(項羽——吳彥祖飾演的)

 

史記為廿四史之首,紀傳體史書之典範。一向是隨緣選讀,今日一個唔覺意,在網上書目,靈機一動,想分享下,編書,就算是目錄都有訊息俾讀者。

大史公始終係一個官,雖然閹咗,幾嬲都要將皇帝放喺前面。值得注意嘅係,項羽亦列入本紀,在劉邦之前,失敗者又如何?而劉邦之後,有呂太后本紀,以位階而論,歷史已經論定,呂后是華夏諸王朝第一個女主,武則天唔該行開。

表係難讀嘅,但這些算是實實在在的訊息。《高祖功侯者年表》裡面有好多在紀傳裡頭無嘅內容,侯功一欄,更是有趣,不少人從這些表比對紀傳,得出新的發現。可見,歷史唔可以睇得咁表面。此外,由於呂氏一族被滅,關於呂后一家外戚及其黨羽的事蹟已經被「官方屏閉」,但這表透露了一些訊息,很重要的是︰劉邦打的天下,呂家出力甚大,世家、列傳不載而已。

書呢?就係當時政治上最重要的各項分科,禮樂、法律行先,河渠、平準當時最重要嘅經濟事務。講完老闆,講完「數據」,要講點樣做實事嘞!

世家就係當年貴族的來歷嘞,周室支族開始,旁及後來興起嘅諸侯。中間有兩個人特別劃入世家一部︰孔子同陳涉!是巧合還是有意?講完孔夫子的禮樂倫理,太史公教大家學陳涉造反︰「陳勝、吳廣乃謀曰:『今亡亦死,舉大計亦死,等死,死國可乎?』」

列傳就最多人,而以伯夷叔齊為首,餓死首陽山下的魯蛇,還是守節至終的英雄?都好考大家嘅價值觀。評述一大堆大人物之後,太史公就寫埋他知道的四夷資料,從「本國內政」發展到「國際關係」。跟手就寫埋啲循吏、儒林、酷吏、游俠、商人,GROUP埋做幾堆,對歷史有Impact嘅人都補充齊全。

最後,作者當然要威埋一份,《太史公自序》又是一篇好文章。

 

作者:白恩樑

好讀書,不求甚解,每有會意,便欣然忘食。(陶潛《五柳先生傳》) 為天地立心、為生民立命、為往聖繼絕學、為萬世開太平。(張載) 子曰:「飯疏食,飲水,曲肱而枕之,樂亦在其中矣。不義而富且貴,於我如浮雲。」(論語.述而) 創業要準備一桶血,而最大的創業就是打天下。(王強,《亞洲週刊》訪問2009)

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 145772
Date: 2016-11-11 04:55:33
Generated at: 2021-12-09 06:37:06
Permalink: https://www.vjmedia.com.hk/articles/2016/11/11/145772/識睇《史記》一定睇埋目錄