「下,依家仲有K唱架咩?」

 

唱K

 

有朋友問起上一次唱K幾時,有一陣惘然,以為佢問緊我既係,上一次坐黃包車幾時,然後幾乎要反問:下,依家仲有K唱架咩?
 
近一排所謂唱K神器興起,受一輪熱捧,但我相信身邊曾經因唱K而活著過既一班死忠,一定會對呢個神器,嗤之以鼻。首先唱K,多數都要一大班人唱,然後舊時第一件事,梗係要比對NEWAY定加州紅甚至係GREEN BOX邊個個K LUNCH抵D。只包兩杯野飲驚唱到聲沙?唔緊要,因為自備既樽裝水同喉糖等物資,一早已經進面進佔K房!!
 
你身邊既K壇好友,總有一兩個複製陳奕迅或者容祖兒,有一堆不斷爭住咪唱仲要RANDOM埋都唔肯交咪,但又有一堆叫極佢唱都唔肯唱但到一咪到手就突然爆SEED連杯都幾乎俾佢震碎埋。點歌永遠都有一個流程,就係當熱門點晒,就開始進入懷舊金曲環節,四大天王盡出,然後進入張國榮、梅豔芳年代。到唱得派慢慢聲嘶力竭而失勢,另類派如尹光、費玉清就會興起。當然,仲會偶爾有一兩個高手會悄悄點韓文歌、日文歌,甚至係秦文。而你感不可思議既係,佢竟然背晒所有歌詞,縱使佢其實係唔識果隻語文的!!
 
我地果陣唱K唱得興起,都係SARS前後,唱鋪K幾十蚊仲要任唱隨時唱到三四點都無人CUT歌,然後仲曾經一度相信只要一直攬實搖控揀歌就可以無限復活。K房提供既野食,黎黎去去幾味而且超級難食,唔緊要,因為所有到場既人,都係醉翁之意,於是有人失戀,又唱K,有人拍拖,又唱K。考完試,又唱K,未考完試,照唱K,總之一早唱到黑,唱到天昏地暗,狂笑狂喊狂叫,幾多歡笑幾多眼淚,總有一首歌岩你。男扮女好,女扮男好,開演唱會好,鳩嗌好,總之發洩完,大家開心。唱K簡直就係年青人打籃球以外既另類街場(而且打波唔可以識女喎。正啦)。
 
咁多年後,我地都唔唱K了。最新側田又係蒙面出返黎了,又俾香港人鬧了。但佢有首歌個詞都幾好既:沒有歌,怎敢說心事?受了傷,點首更絕情詩。可惜歲月如風,一切只怕已成絕唱。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 未來為你的旅途 – 鐵路願景 by MTR Service Update
    車務工程部就提出「鐵路願景」(RailwayVision)計劃,將三大鐵路範疇、設備,即車站、列車、票務系統更新之餘,仲期望可將服務提升至另一個層次,迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 語言陷阱(上):闕義、歧義、含混 by 楊梓燁
    這種因為語法結構的問題,而造成一個語辭(詞語、字、句子)在某語境裡有兩個或以上的意思,便叫做「語法歧義」。這種歧義的其他例子,例如有「求學不是求分數」,可以理解成「求學,不是求分數」,又可以開玩笑地理解成「求學?不,是求分數!」。又例如算命…
歡迎讚好我們的facebook page,免費資訊源源送上。

文章資訊

ID: 145935
Date: 2016-11-14 09:49:38
Generated at: 2022-11-27 00:40:44
Permalink: https://www.vjmedia.com.hk/articles/2016/11/14/145935/「下,依家仲有k唱架咩?」