點解冇品而又冇咩opinion 既人可以自稱 KOL 生存?


真係做人冇公關就死得人多,放工碌下非卜,又好似有個日本KOL柒左。問健吾知唔知咩事。佢話:「算啦,唔識既人唔講啦。」

隨緣做公關仔,成日都聽到D客話,佢地會搵KOL做野。點知佢一畀個名單我睇,嘩屌,真係一個都唔撚識。原來呢個香港,一街都係KOL。

好多香港人都想做KOL,因為佢地都以為KOL好易做:掛個名,叫自己愛情KOL、遊日KOL,再唔係就抄下D真係網路戰神,叫自己方丈:遊日方丈、睇女方丈、雞煲方丈……乜乜乜,就好似自己會升價幾倍。

冇既,拜得主場新聞所賜,好多想做作家既人,未做KOL之前,都賤過雞。係,係賤過雞。你做雞都叫有肉金丫?而家做網路作者,未有朵之前,網媒編輯當你雞都不如,呼之則來揮之則去,你辛辛苦苦寫一堆字交一堆相出去,編輯仲要你當佢神咁拜,「可以係呢個場出文好似好有光環咁」。大家就可以用個光環去換yen換機票換酒店架啦。

呢次冰水KOL事件,其實最後有咩教訓?唔會有咩教訓既。而家公關界好多人成日以為自己識做網路公關。個個自稱KOL,之後就有理無理搵果D人做廣告。而果堆人有冇品味,有冇品?唔重要,最緊要佢搭個雞棚出黎,搭得好好睇睇就得。而網路上的人,很多時都以為自己好有影響力。好似幾年前,有個food blogger 俾人笑佢 food beggar,係餐廳大吵大鬧董太上身,問人「你知唔知我係邊個,我可以寫死你架!」真係可以寫死一間餐廳既人,係唔會講呢D野既。為了自己卑微既存在感,有時真係咩都講得出。

講到底,網路世界就係光怪陸離,點解會有冇品而又冇咩opinion 既人可以自稱 KOL 生存?好簡單,因為佢地價碼夠賤而已。對很多市場推廣大哥大姐而言,那一千幾百只係碎銀,當畀乞兒。而有咁多人爭住去乞,大家就知,呢個世界夠賤夠cheap就得,真材實料去做內容,真係冇意義架。

 

作者:隨緣

八十後公關公司小卒一名,渴望有一天,只是有人按讚,我就會飽。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 146684
Date: 2016-11-25 21:53:09
Generated at: 2021-06-24 20:25:47
Permalink: https://www.vjmedia.com.hk/articles/2016/11/25/146684/點解冇品而又冇咩opinion-既人可以自稱-kol-生存?