【真。藍絲免費】點解成班香港人陪個日本極右份子鬧劍心鬧得咁性起?

mfile_5038_136698_5_l

 

最近有一間日本居酒屋公開喺Facebook出文批評某個香港博客係「香港之恥」。一如以往,對住日本就冇抵抗力嘅香港人,梗係唔理三七二十一鬧咗香港人先:話晒日本係禮儀之邦,有錯梗係香港人唔啱吖嘛。

事件過咗唔到廿四個鐘,已經有一大堆文章口誅筆伐,不過事發經過大家以訛傳訛,鬧人嘅好多係斷估。店家段日文呢一句:「途中で買ってきて食いながらきたのであろうゴミ」完全令到啲唔識日文(又以為自己睇得明)嘅香港人以為對方喺人哋舖頭食外來嘢,而店家只係猜測啲嘢食係客人途中買嘅食物。大家唔知頭唔知路,又幫手起底,又向店家道歉,好似要捉個博客出嚟切腹咁滯,一再俾大家見到香港人嘅「文明」特色。

實情呢個博客(叫「劍心」,個名有啲中二,不過唔係重點)同佢朋友做咗嘅嘢係:① 嗌咗一杯酒,② 瘋狂影相,③ 坐咗兩粒鐘,④ 漏低咗垃圾。(記住佢哋係冇喺人哋舖頭食外來食物)。另外應該係全程兩個客人同店家冇乜交流,顧住自己傾偈。

如果係正常日本嘅店家,我諗真係會有啲唔開心,幫襯少,又留低垃圾。(附帶一提,如果有人漏低垃圾,一般舖頭嘅做法係會提醒客人漏低咗嘢,請客人拎走。)你又諗吓,每年有咁多仆街香港人預約餐廳、住宿跟住唔出現,有冇見過邊次有店家開全名指責?預約唔到應該公開譴責,但係稍為無禮,我諗正常人,日本人又好香港人都好,應該都唔會用開全名嘅形式公開講。即使呢個「博客」嘅行為唔合禮節,店家嘅做法其實更加唔合理。如果冇咗「漏低垃圾」呢一part,你覺得店家可唔可以因為你幫襯少,將你全名公開放喺網上批鬥吖?

之後大家再望吓老闆嘅blog,就會明白原來對方係日本嘅超右翼分子(ネトウヨ),經常出文攻擊朝鮮支那,相信佢啲熟客都係差唔多政見嘅人。聽講有啲香港人好憎人哋叫中國做支那,不過原來又係香港人唔講得,日本人講得。睇嚟又係啲神奇嘅black magic遊戲。用出 Facebook post 嘅手段,其他排外心態重嘅日本人又睇得開心,仲引到一班香港人聲援自己,仲要可以搞到成班人道歉都道唔切,呢個店家嘅網上煽動能力真係同好多KOL有得比。

寫呢段字唔係叫大家去日本可以任意妄為,不過唔好吓吓企喺太高嘅道德高地。大家攻擊劍心都係唔鍾意佢冇料扮四條,佢嘅行為亦唔係話去到令人髮指嘅地埗。我要指出呢間咁有性格嘅舖頭絕對幫唔落,大家清醒啲唔好跟車太貼。見到香港人喺度百步笑五十步,我覺得好好笑。

 

(最新發展:劍心列出佢食咗飲咗嘅嘢,兩個人埋單9000円左右。唔係豪客,不過唔算太離譜。)

(後記:劍心親自上去謝罪,店主刪咗post,劍心出咗道歉啟事,我諗件事都告一段落嘞。如果你今次有份恥笑劍心,記住唔好嚴人寬己至好。)

 

作者:擇言

擇言
每個禮拜有15分鐘嘅話歡迎你加入粵典編輯組。 words.hk計劃: http://words.hkFacebook專頁

閱讀後覺得好,請多多讚好及分享~:)

其他熱門文章

  • 【遊戲新聞】新 PS Plus 訂閱服務推出 要補差價兼無訂閱期揀引起爭議 by 滅盡殺手
    有見微軟推出嘅 Xbox Game Pass 大受歡迎,Sony 亦都緊接推出自家嘅訂閱服務,亦即係今日正式上 […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
歡迎讚好我們的facebook page,免費資訊源源送上。

文章資訊

ID: 146708
Date: 2016-11-26 12:40:28
Generated at: 2022-05-25 16:00:38
Permalink: https://www.vjmedia.com.hk/articles/2016/11/26/146708/【真。藍絲免費】點解成班香港人陪個日本極右份