如何令條仔愛上你?樣靚身材正賢良淑德乜乜鳩鳩通通都唔撚會係答案。

情愛點滴 / 最新文章綜覽
(photo via cc Flickr user Sascha)

(photo via cc Flickr user Sascha)

 

如何令條仔愛上你?樣靚身材正賢良淑德乜乜鳩鳩通通都唔撚會係答案。條仔愛上你既只有使命感。

你諗下,純情小白兔賣左咁多年都仲賣到,周慧敏咁多年都做緊玉女女神就話你知呢個男人需要既正正係一份又PURE又TRUE既女。冇人叫你一定要唔講粗口,黎個形象大改造,執到有村架純咁樣(你執到咁既樣既話,你性格幾差都會秒變反差萌。但我相信你睇到呢度,你一定冇人地咁靚女,所以唔洗諗,一係買機票整容,一係繼續睇~)

咩叫使命感呢?我相信咁多位香港人都聽過一個廣告「FEDEX,使命必達」。即使無論點都一定會為你做到,亦即係「傻得做啲咩都制 用黎解悶亦唔花幾多電費」既兵先生。男人要鍾意一條女,俾一條女吸引,第一刻可能係外在因素佔得多,例如你是咪佢鍾意既大波妹啊女神樣啊咁咁……但係要愛一條女,沉船落去,你就要俾佢感受到,使命感。

有冇聽過男人鍾意條女就會想用盡力保護佢,令佢開心?呢個就係使命感啦。雖然條條仔都唔一定係用個種溫柔tone去同你講bb我愛你,又唔一定好似啲垃圾劇咁無論發生天災海嘯你俾人老強都一定會係唔用google map狀況下無論係邊鳩度都可以及時咁跑到黎攬住你咁樣去保護你,仲要拖住你隻手慢鏡影大頭咁跑走。但係,至少佢在乎你,願意付出心機時間去搏你一笑……

大家又有冇試過見到男人對住出邊啲女彈三彈四,但對自己條女呢可能冇362436,仲有可能有把老牛聲,又唔會話自己條女唔掂呢?呢啲就叫愛啦,而愛就係係使命感度爆出黎既。

要令條仔有使命感,首先你唔可以令佢感覺自己做兵,使緊啲人人都做緊既野。要知道佢唔係李嘉誠,你叫佢坐係度穿膠花,但佢望唔到穿膠花穿到間廠番黎既結尾,佢點會同你穿呢?真係叫佢踎低幫你綁個鞋帶佢都可能想一腳伸開你啊!你一定要俾一個高啲既軍階佢,例如上校,即使呢個上校可能只係unun腳,鳩fingfing,但係佢會覺得自己好有使命感(中國人未必啦,會努力虧空公款haha)。佢會諗,「嘩屌,上校喎,你估個個做得既咩。我只要拼搏,他日海陸空軍都要聽我枝笛!」

跟住要做既就係你要識做。女人可以乜都叻,運動叻,讀書好,識金融財經,鍊車勁過曬啲仔。冇問題,但係你要留些少咁多既野俾佢威番次。例如條仔玩開音樂既,佢同你講乜乜鳩鳩協奏曲個陣,又唔知乜鳩乜鳩時期既,你照聽無誤,blingbling既眼神要話佢知「點解你識呢啲既?好叻啊!」真心,唔洗多,個幾月一次就得。女人未到三十唔食得飽飯,男人未到三十唔讚得過頭~得閒俾佢沾沾一下,咁就夠。你既對象係一件終極廢柴,而你又偏偏選中佢既,咁你咪讚下佢識得呼吸啊乜乜鳩鳩囉。我試過最撚on9係,條仔煎蛋煎到燶撚左,我都處變不驚咁,走去攬住佢話「人地男朋友一見到難既野就唔做嫁啦,你肯為我企係度5分鐘煎隻蛋,我真係好感動啊~」你要俾到佢一種主角光環,係有一秒,就係其他人做咩都係柒,只有佢一個就算做柒左都係冇柒到,[誤]就算插入左都係冇插到[/誤]。

男人就係咁撚柒春簡單,點解啲女成日怨天怨地IG邊邊條女唔靚都周地兵,周地精(諗起都覺得好撚臭,一堆冇撚雪入雪櫃既精咁樣周地都係….屌)。咪就係使命感三粒字囉。學識左呢個道理,你唔會再愁媾唔到仔,你只會煩啲仔多到揀唔曬,又茶記阿哥去到金融才俊通通鞠躬盡瘁,死而後已。

都係個句,愛情呢啲好死嫁姐。我見啲妹妹得閒就pm我問我點樣令個男人鍾意佢,我先講幾句。得閒可以教多幾招,但仆街啲咁講,唔可以教曬,教曬出去我真心要絕跡立法會媾仔功能組別。等陣又俾人追糧,我真心會仆街:(

 

關於作者:Echo

我有回應

則留言

閱讀後覺得好,請多多讚好及分享~:)

其他熱門文章

  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 【塔羅個案】上流社會的分手方式:左手機票,右手支票 by 神婆
    今次要寫嘅個案,老老實實,好戲劇性;同埋故事中牽涉嘅嗰位男士,喺社會上都算係有頭有面,如果開名都幾大鑊,所以,Macy係占卜完之後同我講「我想妳寫我嘅故事出黎」時,我都有啲吃驚。故事好簡單。Macy,二十來歲,鄰家女孩模樣,本來為Patri…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 不知如何生活下去的偽ABC by 霏子
    「I_will_go_back_to_California_soon.」在屋邨學校畢業的他,刪除了所有舊照,缺席一切敘舊活動,他在California讀high_school,又怎能分身在香港讀中學呢?他說他考上了University_of…
歡迎讚好我們的facebook page,免費資訊源源送上。