只會發脾氣的女人終有一日會被拋棄

(photo via cc Flickr user Eric or James)

(photo via cc Flickr user Eric or James)

 

「Vivian話旺角新開咗間吉列牛呀!我哋去食咯!」最愛吃牛的Mike說。
「我琴日咪send咗條吉列牛link畀你囉!你都無睇!」女友Brenda生氣地說。
「係咩?可能琴日太忙睇漏咗呀,琴晚零晨先收工。」Mike說。
「你不嬲都無睇我send畀你嘅嘢㗎啦,我明嘅女神同事講嘅嘢永遠重要啲。」Brenda不屑地說。
「你每日都send唔同嘅link畀我我點睇得切?你又唔係唔知我轉咗工之後忙到癲。點解單單因為我睇少咗一條link而講到我好似去偷食咁?平時你同你啲所謂男性朋友去食飯我呷醋你就話我小小事就呷醋,無畀自由你,然後我講乜你都係爆我,永遠都係你啱晒,我錯晒!」Mike連珠炮發地說,他從來沒有發過如此大的脾氣。
「我諗哋真係要冷靜一段時間。」沉默過後Mike認真地說出這句話後便掛線了。

從前每次吵架Mike都會做認低威的一個,就當是女友比較幼稚,忍讓她,而且愛情確實會令人盲目,連女友發脾氣時都會覺得很可愛,還記得Brenda第一次呷醋的時候他竟然捧腹大笑兼拍手說:「你終於識呷醋,識緊張我喇!」可是慢慢地他開始覺得Brenda發脾氣的次數越來越密,程度也越來越嚴重,經常小事化大,大事化天化更大,令他覺得很麻煩,其實連Brenda自己也覺得不安,為甚麼對著男友時總是好像m到一樣,很容易燥底,小事也會大發雷庭,但對其他人又沒有這個情況出現,她開始討厭這個小氣及蠻不講理的自己。

情侶間呷醋誰沒有試過?呷醋是因為愛,因為緊張,但過份敏感、神經質及無理取鬧的呷醋其實會令人吃不消。兩個人相處應像跳探戈一樣,你前一步我退一步,相反亦然,而不是單方面步步進迫,把另一方迫至死角便是贏,愛情永遠不是談輸贏。同樣地,單方面的忍讓其實對事情也沒有幫助,只是害了另一半變成有公主病的港女,破壞大家的關係。既然錯了便應及時改正,雖不是一次便能改過,但try an error,最後總會成功。每次吵架都是一次了解自己及另一半的機會,處理得宜的話感情更會昇華。

「點解你次次都讓我嘅?你咁樣會寵壞我。」Brenda說,那時二人剛好一起了三個月。
「我就係特登寵壞你,等你有公主病,除咗我無人頂得順,咁你實走唔甩啦哈哈!」Mike得戚地說。
「我唔想咁,如果我無理取鬧你要話我知,唔係對我哋嘅關係都唔健康。」Brenda認真地說。
「我話你你咪又話返我,哈哈!」Mike說。
「你講咩話?」Brenda說。
「無,我話我永遠都咁愛你。」Mike笑說。

不要再打著愛的旗號肆意傷害你愛的人,因為你不知道他何時會忘記「永遠」兩個字。

 

 

作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 146778
Date: 2016-11-27 21:20:19
Generated at: 2022-08-11 20:14:44
Permalink: https://www.vjmedia.com.hk/articles/2016/11/27/146778/只會發脾氣的女人終有一日會被拋棄