今日嘅新聞，簡直係一早預咗，如果你覺得吃驚，就即係你其實蠢過隻豬。

「立法會 DQ 風波」其實已經發生咗四個幾月。今年 7 月開始，由「確認書」事件開始，荒謬嘅事件逐一發生。呢四個月以嚟，好多唔同派別嘅人士不斷奔波，試過用唔同方法，去 raise awareness，去向政權嘅走狗施壓，去支援被影響嘅人士。

如果有任何人，去到今日先至開始「覺醒」，覺得政府要求剝奪四位議員資格係有問題，你不如算吧啦，做返你嘅港豬算數。

上訴庭判梁游敗訴之後，從法律觀點嚟講，政府入稟取消嗰另外四位議員資格，可以話係佢嘅法律責任。法律之前人人平等，確實唔睇你係咩派，唔睇你跟咩大佬。法律從來唔會話柒頭青政玩嘢就係抵俾人 DQ，但其他派別玩嘢就拍手叫好。

所以今日嘅新聞，簡直係一早預咗，如果你覺得吃驚，就即係你其實蠢過隻豬。（真正嘅港豬係唔會理政治架，咁先至係聰明豬。）

梁市長依法治港，替上天執行基本大法，香港九龍新界真係冇得避。

作者：散彈一號

全職文字工作者、應用哲學家。對「邏輯一致性」、「系統複雜度」之類的偏門學問獨有心得。在美利堅合眾帝國邪惡資本主義集團的領導下，嘗試改變世界。

閱讀後覺得好，請多多讚好及分享～：）