《Running Man》六年終於玩完——一路玩黎玩去都係撕名牌,到最後始終都係無以為繼

 

RUNNING MAN玩左六年,終於玩完。OUT。

可能仍然會有一堆FANS覺得唔捨得(極可能包括塔嫂)。但撇除近日既種種負面消息,始終,一個綜藝不論幾好睇,都會有沉寂既時間,尤其係以遊戲為主打。如果夾硬死唔斷氣,最後都會變成掌門人咁樣,變成一種無線翻炒式既低QUALITY節目。GARY第一個退出,我估一方面佢想認真做音樂,另外佢可能已經再頂唔順,佢同宋智孝既無止境炒作,去強行幫RM收視續命吧?

RM一開始之所以成功,一來歸功於主持人,每個都各有特色而且能夠獨當一面,二來係因為遊戲好多簡單得黎,甚至貼近孩提時既玩意兒,例如撕名牌,不過係捉E因,而猜包剪揼,就算去周圍搵其他大學生參與去整個擂台,不過亦都係包剪揼咁解。但係製作組的確不斷創意無限,經常去借新橋,大玩故事模式,有超能力則玩超能力,有喪屍又玩下喪屍,中間又加插大家既互相合作完,又即刻互相背叛,爆發唔少笑料。人生如遊戲,一如社會上既縮影,的確係可以引起唔少觀眾既投入同共鳴。

RM懂得間唔中搵一D藝能界極紅既組合黎幫自己助長聲勢同收視率,但係如果有睇開既都知道,其實台柱仍然係眾多位主持人,多過D人去追星。其實當RM開始話係其他國家地方走紅果陣,佢係國內既聲勢,一早就已經慢慢走緊下坡,只不過因為係世界仍然好受歡迎,所以電視台先無辦法唔硬住頭皮繼續做落去。但製作組好快就面對一個無法解決既問題:想係節目加入新既元素,又唔收得;但係一路玩黎玩去都係撕名牌,到最後始終都係無以為繼。

唔好話一個電視節目,你要堅持每個星期都創作出一D有人會KEEP住睇既野,係超級超級困難。係依家娛樂界不斷推陳出新既年代,綜藝節目既要求亦都愈黎愈高,仲邊有食老本呢回事??唔能夠見好就收,一路要食到盡為止,永遠係最終召來失敗既鐵律。

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 148007
Date: 2016-12-17 05:13:42
Generated at: 2021-10-21 05:55:16
Permalink: https://www.vjmedia.com.hk/articles/2016/12/17/148007/《running-man》六年終於玩完-一路玩黎玩去都係撕名牌