FB 既text cloud 統計,真係唔能夠亂咁玩

 

臨近聖誕收爐,今日見一朝早係辦公室,又無咩做,梗係碌下FB射下聖誕三分波先啦。

岩岩見到有人SHARE左一個APP,可以幫自己係FB打過既野,GEN一個TEXT CLOUD,心諗係幾得意喎,不如玩下囉。CLICK兩CLICK就有,又唔駛俾太多個人資料,都OK呀。

唔駛半分鐘,一GEN之下,我發現最多擺係中心既就係自己個女既名,不由得暖在心頭,洋洋得意,今次仲唔掂,SHARE出去,仲唔可以乘機趁聖誕放下閃,整盲班FRD?但我實在太天真喇,原來我只係留意到中間果堆出得最多既詞彙,竟然一時大意,忽略左其他野。。。

到我真正醒悟果陣,想DEL,已經太遲,一時之間,通體生涼,如墮冰窖,仲凍過西伯利亞人既冬天的冠軍!只見我老婆已經九秒九,係下面我舊死人TEXT CLOUD到留言,話:『成舊野,只係得你個女個名,你自己,同埋香港。老婆呢,個字,好似細到睇唔到,你點解釋?』

我心中不由得大叫一聲仆街!我最擔心既畫面出現了!再睇番自己舊雲,果不其然,原來老婆呢個TERM已經俾擠壓到不似人形,而且字體大小仲細過招股書入面D細字,再隔多一兩行,幾乎連舊雲既邊框都入唔到!!天呀,點解我要鳩SHARE!政府都話左網上世界要小心架啦!!

老婆,你聽我解釋先啦,正想諗一個理由幫自己開脫,但因為係地球POST黎,件事已經通晒天,所有豬朋狗友都即刻出晒黎食花生。有人就話要跪玻璃,有人就繼續細細研究仲有咩其他既字眼都仲大過我老婆個名!你地班友有無聽過唔好係人地傷口到灑鹽呀!

而更加落井下石既係,已經即刻有人再玩過TEXT CLOUD一次,結果竟然真係係佢伴侶個名大到痴線咁放左係中間,然後仲要貼多句「但笑不語」!!你地班友真係想我死嗎??「R。IP~~」

所以再一次係度奉勸各位,真係唔好亂玩呢D無聊統計呀。真係會出事架。你係毒拎的話出三上悠亞就話無事渣,有女既話都係詐詐第HIDE ALL,或者CHECK清楚先好轉PUBLIC啦。嗚嗚~~老婆,你聽我解釋先啦,冏~

 

(本故事純屬虛構,好似係)

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 148299
Date: 2016-12-20 14:56:46
Generated at: 2021-10-28 04:18:06
Permalink: https://www.vjmedia.com.hk/articles/2016/12/20/148299/fb-既text-cloud-統計,真係唔能夠亂咁玩