望見有人話譚仔係香港味道,我真係得啖笑。

 

好多人都話鐘意食譚仔,我都係,不過,我從來唔會話,譚仔係一種香港人嘅味道。

無錯,譚仔係一間係香港開嘅米線鎖食店,但留意返,譚仔係一間主打雲南麻辣米線市場嘅鋪頭,1996年喺長沙灣永隆街開第一間鋪頭,你話,佢係一個香港努力捱世界打返個江山返嚟嘅勵志故事,一定得,但問題,呢個絕對唔會係我香港人嘅味道。

你話佢係香港人嘅味道,但Sorry,從餐牌到鋪名呀,佢都冇一樣嘢係同香港有關,大佬,「新疆香草烤雞翼、「四川麻辣烤雞翼」「湖南土匪烤雞翼」,淨係食雞翼咋,都同香港人完全無關喇,人地個名叫《譚仔雲南米線》呀!我真係唔明點解譚仔雲南米線,明明叫雲南,但係會變成香港人口味?到底係香港早就同雲南一體化咗呀?定係香港文化等同雲南文化,所以大家食譚仔嘅時候會覺得佢稱得上「香港味道」?

我對於香港人味道,我仍然停留喺茶記嘅蛋撻、港式冇沙嗲味反而落咗老抽顏色好深嘅沙牛麵,一杯自製茶底嘅凍檸茶凍奶茶同瑞士汁雞翼乾炒牛河乜乜乜,總之就係中西日泰乜都有少少,唔該你哋有返過大陸嘅人諗吓啦,大陸如果開一間有齊我講嘅蛋撻奶茶乜乜乜,一定會大大隻字話俾人知佢哋係「港式茶餐廳」呀,即係咩呀?連大隍=陸人都識得分,呢啲先係香港嘅味道,點解我哋香港人會叫人地地方口味嘅嘢食做「香港味道」?

成日話拒絕同化,拒絕赤化,你有冇諗過你哋連自己食緊邊度來自地方嘅嘢食都未搞得清,咁仲講咩保護香港?

你唔好同我講沙牛係來自東南亞口味呀,人地有冇落老抽先?香港茶記落嘅時候會唔會落椰汁先?好多香港人嘅味道,都係由歷史演變,但問題就係度,好多食物都係經過我哋自己香港人改良而成,可樂煲薑啲可樂都唔係香港原創啦,可樂雞翼你去外國食唔食到?講埋明將好冇?你去日本正正經經食壽司會唔會食到熊仔糖壽司同紅豆沙壽司?我哋香港人連食物都識得二創,咁二創出嚟而有成為自己另一套嘅特色,咁咪就係我哋嘅一套囉,但你諗吓,一個講明自己係雲南口味嘅鋪頭,點解會成為部份人口中嘅「香港家鄉口味」?

我真係唔知你家鄉係邊,再者就係,好多香港人都鐘意失去咗先嚟嘈,但你有冇諗過你每日俾嘅錢,都等於係一次嘅「公投」?點解要人哋間小鋪執笠你先喊苦喊忽?平時你又走去食譚仔,人哋執笠你就話唔捨得,正正因為領展睇得見譚仔嘅潛力好過一啲地方小鋪,所以佢哋咪迫走小鋪囉,你話冇得怪譚仔?岩呀,因為你應該怪自己,係你有份令每一間小鋪做唔住,被迫執笠。就好似759霸權一樣,本來一間小鋪未必想成為霸權,但一個失衡嘅經營系統,只會令原來小眾成為更小眾,而成為大囚嘅店鋪,只會成為迫走小眾嘅一個助力。

好多人都唔明白,我咁講唔係叫你唔好食譚仔,但邊個應該叫阿媽,邊個係叫阿姨,呢啲係好簡單易明嘅道理嚟,我都試過俾人話,唔好成日話食譚仔啦,點解呀?因為如果你想食到一啲有香港感覺嘅小鋪,你會揀一啲真係有港式風味嘅鋪頭去食,而唔係掛羊頭賣狗肉。

 

 

作者:Sunshine

Sunshine
無限的宇宙裡,人和物質的山,水,遠村,雲樹,又如何比得起?然而人的思想可以超越到太空裡去,它們卻永遠只在地面上。《山中雜感》--冰心 FB PAGE: 陽光燦爛的 Sunshine

閱讀後覺得好,請多多讚好及分享~:)

其他熱門文章

  • 【遊戲新聞】新 PS Plus 訂閱服務推出 要補差價兼無訂閱期揀引起爭議 by 滅盡殺手
    有見微軟推出嘅 Xbox Game Pass 大受歡迎,Sony 亦都緊接推出自家嘅訂閱服務,亦即係今日正式上 […]…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 148381
Date: 2016-12-21 15:55:53
Generated at: 2022-05-26 07:34:19
Permalink: https://www.vjmedia.com.hk/articles/2016/12/21/148381/望見有人話譚仔係香港味道,我真係得啖笑。