約住先,到時睇下點

小城小事 / 最新文章綜覽

 

(photo via cc flickr user Jake Stimpson)

 

有曰「勝利球迷」,就是那些見高就捧見低就踩的偽球迷,他們只享受吹捧勝利者的虛榮,毫無尊重足球的尊嚴,在下不能說這種球迷的心態大錯特錯,But I don’t give a fxxk to them.

其實不同人的不同朋友圈子中也有許多勝利朋友——永遠牆頭草,永恆不表態,永續等埋發叔才敢跟大隊。

約他們聚會,無論你建議幾多時間日期,勝利朋友永遠「暫約住先,到時睇下點」,主辦人通常心裏(或口裏,視乎場合)屌出來:屌你咩,乜嘢叫「暫約」?係就係,唔係就唔係,唔想嚟?一句「老子沒空」就夠。

仲有乜嘢叫「到時睇下點」?睇邊個?睇熱鬧?睇下點,之係其他來者不吸引/唔係你杯茶/同你唔夠熟,你就會縮沙放火箭,如果人人如此,世上還有約得成的聚會?多口問你一句賞唔賞面,嚟就遷就,唔嚟就鳩就,答個覆都答到語言偽術全餐,如果約你去旅行,酒店機票計唔計你好?如果約你訂枱食飯,數唔數埋你好?還是你到時無論睇成點你都會科水先?

好端端一場朋友,約定一件小事都要俾埋哂啲模梭兩可語言偽術答案,說話和稀泥的人比永續唯讀更糟——唔出聲的人最多係啞,某些傢伙出句聲但毫無誠意卻是點燃肝火良品,相約一個不決定的人,猶如等待一扇不開啟的門。

善變的眼神,鳩噏的雙唇,可必再去苦苦強求,苦苦追問?

勝利球迷乞人憎,罪不在球迷而是勝利,輸打贏要,If you can’t beat them 就 join them,毫無風骨,至於勝利朋友,朋友冇罪,也是壞在那兩隻字,計算太多的友誼,友極有限。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 148773
Date: 2016-12-25 19:21:47
Generated at: 2022-09-28 13:37:56
Permalink: https://www.vjmedia.com.hk/articles/2016/12/25/148773/約住先,到時睇下點