而家先聲討叱吒無公信力?當年新力軍金獎係林海峰,你知唔知銀銅係邊個?

 

今時今日網上一片聲討叱吒無公信力之聲,過往有跟開過下香港所謂樂壇既發展既人,真係會嚇一跳,然後得啖笑。正所謂OLD NEWS IS SO唔識串。四個台既公信力不嬲都係自己DEFINE,你以為真係會公正持平,唔益自己友?真係好難——唔會囉。

首先,如果講林海峰(唔係拎阿太區最受歡迎果個林峰),我諗我都算係佢既忠實歌迷,因為早係軟硬時代,我已經有聽佢既歌,而甚至佢單飛發展,我一樣記得,早係二十年前,佢行單飛發展歌唱事業,已經屢獲殊榮。一九九七年,佢就已經係叱吒拎左叱咤樂壇唱作人大獎,同埋叱咤樂壇新力軍男歌手!!而同依家一樣,有D獎係會分金銀銅獎,佢係金獎,咁銀獎銅獎係邊個?

銀獎係謝霆鋒,銅獎係陳小春。
提一提你,果陣新力軍女歌手金獎係張惠妹。

我仲記得果晚頒獎禮,林海峰戴住鹹蛋超人面具,上去唱佢填既歌「喂喂喂」,「不另收費 上帝魔鬼 聲大聲細 你係邊位」,十分意氣風發,果陣都未去到林狗同是但蹹或者係踎低噴飯時代。所有台下歌手同現場觀眾都O嘴,莫講話果時,就算依家,我諗可能絕大部份人依家都未聽過呢堆歌。得閒可以搵黎聽下,順便欣賞下佢既唱功同填詞技巧,有幾實至名歸。

至於講叱吒,點可以唔提劉德華?因為係果個平行世界入面,劉德華只係一個星運平平既男歌手。當千禧年代最受歡迎男歌手榜上開始出現陳奕迅、許志安,甚至數到古巨基,粱漢文,劉德華全情失蹤。依家先黎埋怨欣宜、坤哥?算罷啦。例子長數長有。大家睇完開心咪算,真係唔好咁認真好喇。BTW,記憶力太好係香港係好難生存架。

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 149389
Date: 2017-01-02 16:05:55
Generated at: 2021-09-23 03:50:40
Permalink: https://www.vjmedia.com.hk/articles/2017/01/02/149389/而家先聲討叱吒無公信力?當年新力軍金獎係林海