說好了的香港民族呢?說好了的本土呢?

 

我地成日話出面D蝗黎到香港旅遊唔守規矩,破壞晒D地方。但係香港人有無自己以身作則,保護自己所謂「殖民地政府留低落黎既美好景致」呢?就最近新年既新聞睇黎,我就真係覺得無說服力之至。自己係香港人,都覺得無比羞愧。想鑽個窿出外太空。

最近多左人去露營,去熱愛大自然,擁抱下本土價值,唔去外遊,係好事黎,但可唔可以有多少少既公德心,守下規矩,證明俾其他「兩岸三地」人睇我地真係「高人一等」,平時都好好珍惜自己既家園?我第一樣野,覺得超級扯火既係,新聞講到有好多人都妄顧安全,係非指定既露營地點紮營,知唔知咁樣,其實係同玩命無分別?

果D地點,可能係近山崖既平原,可能係沙灘,一來無遮蔽,極度當風,日夜溫差極大,好彩呢輪天氣和暖,如果岩岩逢冷鋒過,高地加上WIND-CHILL,少D禦寒衣物都隨時玩完,第二,你話你少少人都話無所謂,如果講到二三百人屈埋係一個得兩三條小路既荒山野嶺,高地山麓,天氣極度乾燥,有無人諗過如果一但有人煮食,甚至吸煙果陣唔覺意辣著左D乾花乾草,有無諗過到時個情況會幾恐怖?你會跑得快過D風嗎?係咪到時真係搞到有大量傷亡,八仙嶺咁既翻版大慘劇,先指責番政府無好好監管?

至於垃圾,已經唔係咩新問題喇,講都講到口臭。舊時人去露營就以簡單食物為主,可能為左觀星,睇日出日落,並唔係去狂歡派對,可能係有少少熱飲同不帶油脂既熱量食物就可以。依家?成班人入去用火水爐打邊爐又有,煮肥牛撈麵都有,但都算喇,有無諗過點樣洗番乾淨D碗果陣,用洗潔精直落山澗會出事?D污水有無諗過點處理?D垃圾有無諗過做分類再自己帶番落山?用垃圾袋等等要盡量節制,減少垃圾產生?但睇新聞都知,有幾多人真係有尊重過大自然既一草一木啦。有既,但極少極少囉。

嫌麻煩咪唔好黎囉。唔好忘記,你去另外一處地方去居住,同你移民去另一處地方無分別,大自然一樣有隱世既村民,有不被打擾既野生動物,牛又好馬又好,你唔覺意所帶來既污染問題,可能禍延佢地幾代。見到有牛巢垃圾桶既垃圾食,而仲堅持自己將垃圾掉入垃圾桶係無問題既,老實我真係無說話好講。反正到最後都係話果堆應該全部都係新移民黎未有三粒星,IP都唔駛CHECK。唔係迷信唔會講報應,但大家自己知自己事。成日話基建工程趕走白海豚。又拎日本比,我呸。唔鍾意咪又話我一竹蒿打一船人囉。

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 149475
Date: 2017-01-03 15:36:15
Generated at: 2021-09-23 05:39:26
Permalink: https://www.vjmedia.com.hk/articles/2017/01/03/149475/說好了的香港民族呢?說好了的本土呢?